"Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасының Заңына (Қазақстан Республикасы Парламентінің Жаршысы, 2001 ж., N 17-18, 243-құжат; 2004 ж., N 23, 142-құжат; 2005 ж., N 6, 10-құжат; N 7-8, 19-құжат; 2006 ж., N 1, 5-құжат; N 3, 22-құжат; N 15, 95-құжат; N 23, 144-құжат; N 24, 148-құжат; 2007 ж., N 1, 4-құжат; N 2, 18-құжат; N 16, 129-құжат; 2008 ж., N 21, 97-құжат; N 24, 129-құжат):
- 1) 3-баптың 2-тармағындағы 9) тармақшасындағы "құрылыс процесін технологиялық жағынан сүйемелдеуді қоса алғанда," деген сөздер алып тасталсын;
- 2) 19-бап мынадай мазмұндағы 9-1) тармақшамен толықтырылсын: "9-1) сәулет, қала құрылысы және құрылыс, мемлекеттік сәулет-құрылыс бақылауы және лицензиялау саласындағы жергілікті атқарушы органдардың қызметіне сәулет, қала құрылысы және құрылыс істері жөніндегі уәкілетті мемлекеттік органның бақылауын жүзеге асыру қағидаларын бекітеді;";
- 3) 20-бапта : мынадай мазмұндағы 14-1) тармақшамен толықтырылсын: "14-1) сәулет, қала құрылысы және құрылыс, мемлекеттік сәулет-құрылыс бақылауы және лицензиялау саласындағы жергілікті атқарушы органдардың қызметіне бақылауды жүзеге асыру қағидаларын әзірлеу;"; 20) тармақшаның төртінші абзацындағы "бекіту жатады." деген сөздер "бекіту;" деген сөзбен ауыстырылып, мынадай мазмұндағы 21) тармақшамен толықтырылсын: "21) "Жеке кәсіпкерлік туралы" Қазақстан Республикасының Заңына сәйкес ведомстволық статистикалық есептіліктің, тексеру парақтарының нысандарын, тәуекел дәрежесін бағалау критерийлерін, жыл сайынғы тексерулер жоспарларын әзірлеу және бекіту жатады.";
- 4) 31-1-бапта : 1-тармақ мынадай редакцияда жазылсын: "1. Мемлекеттік құрылыс инспекторлары белгіленген тексеру мерзімі туралы хабарламаны тапсырысшыға (меншік иесіне), авторлық қадағалау тобына және осы құрылыс объектісі бойынша мердігерге (бас мердігерге) тексеру басталғанға дейін бес күннен кешіктірмей жібереді."; 3-тармақтағы "тексеру" деген сөз "бақылау" деген сөзбен ауыстырылсын; 6-тармақ алып тасталсын; мынадай мазмұндағы 7 және 8-тармақтармен толықтырылсын: "7. Сәулет, қала құрылысы және құрылыс қызметі саласындағы мемлекеттік бақылау тексеру нысанында және өзге де нысандарда жүзеге асырылады. 8. Тексеру "Жеке кәсіпкерлік туралы" Қазақстан Республикасының Заңына сәйкес жүзеге асырылады. Мемлекеттік бақылаудың өзге де нысандары осы Заңға сәйкес жүзеге асырылады.";
- 5) 64-бапта : 1-тармақта: бірінші бөліктегі "Жобалардың" деген сөз "Жобаларға" деген сөзбен ауыстырылып, "техникалық регламенттерге сәйкестігіне" деген сөздер алып тасталсын; екінші бөлік мынадай мазмұндағы сөйлеммен толықтырылсын: "Қазақстан Республикасының Үкіметі уәкілеттілік берген заңды тұлғаның функциясын қайталауға жол берілмейді."; 2-тармақ мынадай мазмұндағы 13) және 14) тармақшалармен толықтырылсын: "13) лицензиясы бар тұлғалар орындаған және қосымша жер учаскесін (аумақ кесіндісін) бөлуді талап етпейтін, конструкцияның есептік беріктігін төмендетпейтін, сәулеттік-эстетикалық, өртке қарсы, жарылысқа қарсы және санитариялық сапасын нашарлатпайтын, пайдалану кезінде қоршаған ортаға зиянды әсерін тигізбейтін, ол жөнінде жоба авторының (жобаның бас инженерінің, жобаның бас сәулетшісінің) тиісті жазбасы бар, тұрғын үй ғимараттарындағы (үйлеріндегі) тұрғын үй және тұрғын үй емес үй-жайларды қайта жаңарту (қайта жоспарлау, қайта жабдықтау); 14) азаматтардың жеке пайдалануына арналған техникалық жағынан күрделі емес басқа да құрылғылар;"; 3-тармақ алып тасталсын;
- 6) 73-бапта : 5-тармақта: 1) тармақшадағы "бір айдан" деген сөздер "жеті күннен" деген сөздермен ауыстырылсын; 2) тармақшадағы "жеті күннен" деген сөздер "бес күннен" деген сөздермен ауыстырылсын; мынадай мазмұндағы 7-1-тармақпен толықтырылсын: "7-1. Мемлекеттік қабылдау комиссиясының объектіні пайдалануға қабылдау рәсімінің ұзақтығын (қабылдау мерзімдерін), салынған объектінің күрделілігіне және функционалдық арналуына, оның технологиялық және пайдалану сипаты мен параметрлеріне қарап тағайындаған кезде мемлекеттік басқару органы белгілейді. Бұл ретте азаматтық тұрғын үй мақсатында салынған объектілер бойынша қабылдауды мемлекеттік қабылдау комиссиясы тапсырыс берушіден (құрылыс салушыдан) тиісті өтініш және жұмыс комиссиясы қол қойған акті келіп түскен кезден бастап бес жұмыс күнінен аспайтын, ал ірі (техникалық жағынан күрделі) қоғамдық үйлер мен құрылыстарды, сондай-ақ халыққа қызмет көрсету саласына жататын өндірістік циклдағы өзге де объектілерді - жеті жұмыс күнінен аспайтын мерзімде жүзеге асыруға міндетті.";
- 7) 75-баптың 2-тармағының 1) тармақшасы мынадай редакцияда жазылсын: "1) техникалық жағынан күрделі объектілерге жататын азаматтық (қоғамдық) және коммуналдық мақсаттағы жеке тұрған объектілер. Техникалық жағынан күрделі емес, мемлекеттік инвестицияның қатысуынсыз қаржыландырылатын жеке тұрған объектілер пайдалануға осы Заңның 76-бабында белгіленген тәртіппен қабылданады;";
- 8) 78-бапта : 7-тармақтың 3) тармақшасындағы "мемлекеттік өртке қарсы қадағалау" деген сөздер "мемлекеттік өртке қарсы қызмет" деген сөздермен ауыстырылсын; 9-тармақтың 3) тармақшасындағы "мемлекеттік өртке қарсы қадағалау және санитариялық-эпидемиологиялық қадағалау" деген сөздер "мемлекеттік өртке қарсы және санитариялық-эпидемиологиялық қадағалау" деген сөздермен ауыстырылсын.