Тармақ 1. Хатшылықты Комиссияның жауапты хатшысы (бұдан әрі - жауапты хатшы) басқарады, оның жауапты хатшыны тағайындаған Тараптан басқа Тараптардың әрқайсысынан бір-бірден орынбасары болады.
Тармақ 2. Комиссия жауапты хатшыны және оның орынбасарларын Тараптардың ұсынысы бойынша бекітеді және Тараптар арасында жауапты хатшының лауазымын ротациялау қағидатын ескере отырып, қызметтен босатады. Жауапты хатшының лауазымын ротациялау тәртібін Комиссия айқындайды.
Тармақ 3. Жауапты хатшы Комиссияның және кеден одағы жоғары органының отырыстарына қатысады.
Тармақ 4. Жауапты хатшыға Комиссияның шешімімен белгіленген тәртіппен Комиссияның қаржылық және материалдық құралдарына билік ету, азаматтық-құқықтық шарттар жасасу, сотта шығып сөйлеу жөніндегі өкілеттіктері берілуі мүмкін.
Тармақ 5. Хатшылықтың құрылымдық бөлімшелері - департаменттері болады. Хатшылық департаменттерінің саны және олардың штат саны кеден одағы жоғары органының шешімімен айқындалады.