«Өсімдік шаруашылығындағы міндетті сақтандыру туралы» 2004 жылғы 10 наурыздағы Қазақстан Республикасының Заңына (Қазақстан Республикасы Парламентінің Жаршысы, 2004 ж., № 5, 26-құжат; 2006 ж., № 1, 5-құжат; № 3, 22-құжат; № 16, 100-құжат; 2007 ж., № 8, 52-құжат; 2009 ж., № 18, 84-құжат): 1) 1-бап мынадай редакцияда жазылсын: «1-бап. Осы Заңда пайдаланылатын негiзгi ұғымдар
- 2) 4-1-баптың 6) тармақшасындағы «қолайсыз табиғат құбылысы фактiсi бойынша» деген сөздер алып тасталсын;
- 3) 5-бапта : 2-тармақта: 6) тармақша «агенттің» деген сөзден кейін «қоғамның» деген сөзбен толықтырылып, «оның» деген сөз «олардың» деген сөзбен ауыстырылсын; 7) тармақша мынадай редакцияда жазылсын: «7) сақтанушылардың міндетті сақтандыру шарттарын жасасудан жалтаруы туралы және қоғамның Қазақстан Республикасының өзара сақтандыру туралы заңнамасының және осы Заңның талаптарын сақтамауы туралы істерді қарайды;»; 8) тармақшадағы «және агенттен» деген сөздер «, агенттен және қоғамнан» деген сөздермен ауыстырылсын; 9) тармақшадағы «және агенттiң» деген сөздер «, агенттің және қоғамның» деген сөздермен ауыстырылсын; мынадай мазмұндағы 12) тармақшамен толықтырылсын: «12) қаржы нарығы мен қаржы ұйымдарын реттеуді және қадағалауды жүзеге асыратын уәкілетті органға қоғамдардың атауын және орналасқан жерін көрсете отырып, оның тізілімін ұсынады.»; 3-тармақтың 2) тармақшасы «құжаттарды» деген сөзден кейін «өсімдік шаруашылығы саласындағы уәкілетті мемлекеттік орган белгілеген нысан бойынша» деген сөздермен толықтырылсын;
- 4) 5-1-баптың 2) тармақшасы алып тасталсын;
- 5) 5-2-баптың 3-тармағы мынадай редакцияда жазылсын: «3. Сақтандыру ұйымы ретінде тіркелген заңды тұлғаның өсімдік шаруашылығындағы міндетті сақтандыруды жүзеге асыру құқығына лицензия алғанға дейін астанада, республикалық, облыстық және аудандық маңызы бар қалаларда филиалдарының және (немесе) сақтандыру агенттерінің болуы міндетті.»;
- 6) 6-бап «сақтандыру жағдайларына» деген сөздерден кейін «зерттеу актісінде тіркелген» деген сөздермен толықтырылсын;
- 7) 7-баптың 2-тармағының 3) тармақшасындағы «ғылыми негiзделген немесе оңайлатылған агротехнология шығындарының» деген сөздер «шығындардың» деген сөзбен ауыстырылсын;
- 8) 8-баптың 1-тармағында: бірінші бөліктегі «артық» деген сөз «кем» деген сөзбен ауыстырылсын; екінші бөлік «мынадай» деген сөзден кейін «ең төмен және» деген сөздермен толықтырылсын; 1)-4) тармақшалар мынадай редакцияда жазылсын: «1) дәндi дақылдар (облыс топтары бойынша):
- 2) майлы дақылдар (бүкiл республика бойынша) ең төмен – 2,01%, ең жоғары – 3,44%; 3) қант қызылшасы (бүкiл республика бойынша) ең төмен – 5,76%, ең жоғары – 8,39%; 4) мақта (бүкiл республика бойынша) ең төмен – 0,92%, ең жоғары – 1,33%.»;
- 9) 9-бапта : 2-тармақта: мынадай мазмұндағы төртінші бөлікпен толықтырылсын: «Комиссия сақтандырушы мәлімдеген егіс алаңын өсімдік шаруашылығы саласындағы уәкілетті мемлекеттік орган бекіткен апатқа ұшыраған егіс алаңын анықтау әдісі бойынша зерттейді және зерттеу нәтижелері бойынша өсімдік шаруашылығындағы өнімнің апатқа ұшырау деңгейін анықтайды: толық немесе ішінара.»; төртінші бөлікте: «тиiстi зерттеу актiсiн» деген сөздер «зерттеу актісін» деген сөздермен ауыстырылсын; «(бұдан әрi - зерттеу актiсi)» деген сөздер алып тасталсын; мынадай мазмұндағы төртінші сөйлеммен толықтырылсын: «Комиссия мүшелерінің үштен екі бөлігінің қолдары болған кезде зерттеу актісі қабылданған болып есептеледі.»; 6-тармақтың екінші бөлігі алып тасталсын;
- 10) 10-баптың 3-тармағы мынадай редакцияда жазылсын: «3. Құжаттарды қабылдаған сақтандырушы құжаттардың толық тізбесін және оларды қабылдаған күнді көрсете отырып, екі данада анықтама жасауға міндетті. Анықтаманың бір данасы өтініш берушіге беріледі, өтініш берушінің оны алғаны туралы белгісі бар екінші данасы сақтандырушыда қалады.»;
- 11) 12-баптың 2-тармағында: екінші бөлік «депозиттерге» деген сөзден кейін «және мемлекеттік бағалы қағаздарға» деген сөздермен толықтырылсын; үшінші бөліктегі «депозиттерге» деген сөз «Қазақстанның Ұлттық Банкiндегi депозиттерге және мемлекеттік бағалы қағаздарға» деген сөздермен ауыстырылсын; төртінші бөліктегі «депозиттерге» деген сөз «Қазақстанның Ұлттық Банкiндегi депозиттерге және мемлекеттік бағалы қағаздарға» деген сөздермен ауыстырылсын;
- 12) 13-баптың 1-тармағындағы «сақтандыру төлемiн жүзеге асыру үшiн қажеттi» деген сөздер «осы баптың 2-тармағында көзделген» деген сөздермен ауыстырылсын;
- 13) 14-баптың 2-тармағы мынадай мазмұндағы екінші абзацпен толықтырылсын: «сақтанушы осы Заңның 10-бабының 2-тармағында көзделген құжаттарды табыс етпеген жағдайда, кідірiссiз, бiрақ үш жұмыс күнiнен кешiктiрмей оны жетіспейтін құжаттар туралы жазбаша хабардар етуге;»;
- 14) 16-баптың 2-тармағының төртінші абзацындағы «жетi» деген сөз «он» деген сөзбен ауыстырылсын;
- 15) 17-баптың 2-тармағы мынадай мазмұндағы екінші бөлікпен толықтырылсын: «Мазмұнына қойылатын талаптар қаржы нарығын және қаржы ұйымдарын реттеу мен қадағалауды жүзеге асыратын уәкiлеттi органның нормативтік құқықтық актісімен белгіленетін сақтанушының өтініші міндетті сақтандыру шартын жасасу үшін негіз болып табылады.».