Бап 1 — 1990 жылғы 26 маусымда Стамбулда жасалған Уақытша әкелу туралы конвенция ратификациялансын. 2-бап . Қазақстан Республикасы Конвенцияның 24-бабының 4-тармағына сәйкес Конвенцияның: А. « Уақытша әкелу құжаттары туралы (АТА карнеттері мен СРD карнеттері) »; B.1. « Көрмелерде, жәрмеңкелерде, конференцияларда немесе осыған ұқсас іс-шараларда көрсетуге немесе пайдалануға арналған тауарлар туралы »; B.2. « Кәсіби жабдық туралы »; B.3. « Контейнерлер, тұғырлар, орамдар, үлгілер және коммерциялық операцияларға байланысты әкелінген басқа да тауарлар туралы »; B.5. « Білім беру, ғылыми немесе мәдени мақсаттар үшін әкелінген тауарлар туралы »; B.6. « Туристердің жеке мүлкі мен спортпен шұғылдану мақсатында әкелінетін тауарлар туралы »; B.7. « Туристік жарнамалық материал туралы »; «Қазақстан Республикасы өзін D қосымшасының 4-бабы 1-тармағының және D қосымшасына Толықтырудың 12, 13-тармақтарының ережелеріне байланысты деп санамайды» деген ескертпелермен D. « Жануарлар туралы » қосымшаларын қабылдайды
Бап 1 — Осы қосымшаны қолдану шеңберінде: (а) «шекаралық тасымалдау шеңберінде әкелінетін тауарлар» термині: - шекара маңы аймағының тұрғындары өзінің кәсіби қызметін (дәрігерлер, қолөнершілер және т.б.) жүзеге асыру шеңберінде немесе сауда жасау мақсатында тасымалдаған тауарлар; - олар жөндеу, өндіру немесе өңдеу үшін әкелген шекаралық аймақ тұрғындарының жеке мүлкі немесе үй жасау-жабдықтары; - уақытша әкелу аумағының шекаралық аймағы шегінде орналасқан учаскеде топырақты өңдеуге арналған жабдық; - көмек көрсету жөніндегі операцияға (өрт, топан су және т.б.) байланысты әкелінген ресми органға тиесілі жабдық дегенді білдіреді; (b) «шекаралық аймақ» термині: шектері ішкі заңнамада айқындалған және оның шекаралары тасымалдаудың өзге түрлерінен шекаралықты айыру мақсатында қызмет атқаратын құрлықтағы шекарамен аралас кедендік аумақтың ауданын білдіреді; (с) «шекаралық аймақтың тұрғындары» термині: шекаралық аймақтың шегінде орныққан немесе тұратын адамдарды білдіреді; (d) «шекаралық тасымалдау» термині: екі шектес шекаралық аймақтың арасында шекаралық аймақтың тұрғындары жүзеге асыратын әкелу дегенді білдіреді