«Босқындар туралы» 2009 жылғы 4 желтоқсандағы Қазақстан Республикасының Заңына (Қазақстан Республикасы Парламентінің Жаршысы, 2009 ж., № 23, 116-құжат):
- 1) 6-бапта : 7) тармақша мынадай редакцияда жазылсын: «7) босқын мәртебесiн беру туралы өтiнiшхатты тiркеу мен қараудың тәртiбiн, пана iздеген адам куәлiгiнің үлгiлерiн бекiтедi;»; 12) тармақшадағы «және iшкi iстер» деген сөздер алып тасталсын; мынадай мазмұндағы 13-1), 13-2), 13-3) және 13-4) тармақшалармен толықтырылсын: «13-1) пана iздеген адамдар және босқындар құқықтарының сақталуын қамтамасыз етедi; 13-2) пана iздеген адамдарды және босқындарды тiркеудi жүзеге асырады; 13-3) табиғи және техногендiк сипаттағы төтенше жағдайлар туындаған, шекара бұзушыларды шекарада iздеген, Қазақстан Республикасының аумағына қарулы басып кiрудi немесе шектес мемлекет азаматтарының жаппай өтуiн тойтарған кезде пана iздеген адамдардың және босқындардың шекара аймағында (белдеуiнде) орналасқан жердегi жекелеген учаскелерге немесе объектiлерге жiберiлуiн ұлттық қауiпсiздiк органдарының ұсынуы бойынша шектейдi немесе оған тыйым салады; 13-4) пана iздеген адамдарды және босқындарды соттың заңды күшiне енген шешiмдерiн орындау үшiн мәжбүрлеп шығарып жiберудi жүзеге асырады;»;
- 2) 7-баптың 2-тармағы алып тасталсын;
- 3) 8-баптың 2-тармағының 5) тармақшасындағы «уәкiлеттi органда есептен және iшкi iстер органдарында тiркеуден шығуға» деген сөздер «уәкiлеттi органда есептен шығуға және тіркелуге» деген сөздермен ауыстырылсын;
- 4) 9-баптың 2-тармағының 3) тармақшасындағы «уәкiлеттi органда есептен және iшкi iстер органдарында тiркеуден шығуға» деген сөздер «уәкiлеттi органда есептен шығуға және тіркелуге» деген сөздермен ауыстырылсын;
- 5) 10-баптың 6-тармағында: бірінші бөліктегі «және оның өтiнiшхаты бойынша шешiм қабылданғанға дейiнгi мерзiмге тiркеу үшiн iшкi iстер органдарына жолдама берiледi» деген сөздер «беріледі және оның өтiнiшхаты бойынша шешiм қабылданғанға дейiнгi мерзiмге оны тіркеу жүргізіледі» деген сөздермен ауыстырылсын; екінші бөлік алып тасталсын;
- 6) 18-баптың 2-тармағының бірінші бөлігіндегі «iшкi iстер органдары» деген сөздер «уәкілетті орган» деген сөздермен ауыстырылсын.