«Жауапкершілігі шектеулі және қосымша жауапкершілігі бар серіктестіктер туралы» 1998 жылғы 22 сәуірдегі Қазақстан Республикасының Заңына (Қазақстан Республикасы Парламентінің Жаршысы, 1998 ж., № 5-6, 49-құжат; 1999 ж., № 20, 727-құжат; 2002 ж., № 10, 102-құжат; 2003 ж., № 11, 56-құжат; № 24, 178-құжат; 2004 ж., № 5, 30-құжат; 2005 ж., № 14, 58-құжат; 2006 ж., № 3, 22-құжат; № 4, 24, 25-құжаттар; № 8, 45-құжат; 2007 ж., № 4, 28-құжат; № 20, 153-құжат; 2008 ж., № 13-14, 56-құжат; 2009 ж., № 2-3, 16-құжат): 1) 15-баптың 5-тармағы мынадай редакцияда жазылсын: «5. Шағын кәсіпкерлік субъектісі болып табылатын жауапкершілігі шектеулі серіктестіктің құрылтай шартын қоспағанда, құрылтай шартын нотариат куәландыруға тиіс.»;
- 2) 17-бапта : 4 және 5-тармақтар мынадай редакцияда жазылсын: «4. Шағын кәсіпкерлік субъектісі болып табылатын жауапкершілігі шектеулі серіктестіктің жарғысын қоспағанда, серіктестіктің жарғысын нотариат куәландыруға тиіс. 5. Қазақстан Республикасының заңдарында көзделген жағдайларда серіктестіктің нотариат куәландырған жарғысының, сондай-ақ оның кейінгі өзгерістері туралы барлық құжаттардың даналары серіктестікті мемлекеттік тіркеуді жүзеге асырған органда сақталады.»;
- 3) 19-баптың 5-тармағының екінші бөлігі мынадай редакцияда жазылсын: «Шағын кәсіпкерлік субъектісі болып табылатын жауапкершілігі шектеулі серіктестіктің өтінішін қоспағанда, өтінішке барлық құрылтайшылар қол қойып, олардың қойған қолдарының түпнұсқалығын нотариат куәландыруға тиіс.»;
- 4) 23-баптың 2-тармағы мынадай редакцияда жазылсын: «2. Жарғылық капиталының ең төменгі мөлшері жүз теңгеден кем болмауға тиіс шағын кәсіпкерлік субъектісі болып табылатын жауапкершілігі шектеулі серіктестікті қоспағанда, жарғылық капиталдың бастапқы мөлшері құрылтайшылардың салымдарының сомасына тең және серіктестікті мемлекеттік тіркеу үшін құжаттар ұсынылған күнге жарғылық капиталының мөлшері жүз айлық есептік көрсеткіштің мөлшеріне баламалы сомадан кем болмауға тиіс.»;
- 5) 24-баптың 1-тармағы алып тасталсын.