2008 жылғы 10 желтоқсандағы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) (Қазақстан Республикасы Парламентінің Жаршысы, 2008 ж., № 22-І, 22-ІІ, 112-құжат; 2009 ж., № 2-3, 16, 18-құжаттар; № 13-14, 63-құжат; № 15-16, 74-құжат; № 17, 82-құжат; № 18, 84-құжат; № 23, 100-құжат; 2010 жылғы 9 ақпанда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне міндетті және өзара сақтандыру, салық салу мәселелері бойынша өзгерістер мен толықтырулар енгізу туралы» 2009 жылғы 30 желтоқсандағы Қазақстан Республикасының Заңы ; 2010 жылғы 6 ақпанда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбір заңнамалық актілеріне балық шаруашылығы мәселелері бойынша өзгерістер мен толықтырулар енгізу туралы» 2010 жылғы 21 қаңтардағы Қазақстан Республикасының Заңы ): 1) 12-баптың 1-тармағының 11) тармақшасы мынадай мазмұндағы бесінші абзацпен толықтырылсын: «Осы Кодекстің мақсатына орай, Қазақстан Республикасындағы табысы аз азаматтарды қолдауға (көмек көрсетуге) бағытталған, Қазақстан Республикасы қатысушысы болып табылатын үкіметаралық келісім шеңберінде осындай келісіммен айқындалған мақсаттарға (міндеттерге) қол жеткізу үшін Қазақстанның үкіметтік емес қоғамдық қорлары өтеусіз негізде алған мүлік те грант деп танылады;»;
- 2) 99-баптың 1-тармағы 14) тармақшасындағы «табыстар алып тасталуға жатады.» деген сөздер «табыстар;» деген сөзбен ауыстырылып, мынадай мазмұндағы 15) тармақшамен толықтырылсын: «15) Қазақстан Республикасындағы қызметін тұрақты мекеме арқылы жүзеге асыратын резидент емес заңды тұлға, Қазақстан Республикасындағы табысы аз азаматтарды қолдауға (көмек көрсетуге) бағытталған, Қазақстан Республикасы қатысушысы болып табылатын үкіметаралық келісім шеңберіндегі грант қаражаты есебінен алғанды (алуға жататынды) өткізуден түскен табыс алып тасталуға жатады.»;
- 3) 156-баптың 1-тармағында: 11) тармақша мынадай редакцияда жазылсын: «11) егер осы тармақтың 11-1) тармақшасында өзгеше белгіленбесе, гранттар қаражаты есебінен төлемдер (еңбекке ақы төлеу түріндегі төлемдерден басқа);»; мынадай мазмұндағы 11-1) тармақшамен толықтырылсын: «11-1) Қазақстан Республикасындағы табысы аз азаматтарды қолдауға (көмек көрсетуге) бағытталған, Қазақстан Республикасы қатысушысы болып табылатын үкіметаралық келісім шеңберіндегі грант қаражаты есебінен жасалатын төлемдер;»;
- 4) 193-баптың 5-тармағы 13) тармақшасындағы «табыстар салық салуға жатпайды.» деген сөздер «табыстар;» деген сөзбен ауыстырылып, мынадай мазмұндағы 14) тармақшамен толықтырылсын: «14) Қазақстан Республикасындағы табысы аз азаматтарды қолдауға (көмек көрсетуге) бағытталған, Қазақстан Республикасы қатысушысы болып табылатын үкіметаралық келісім шеңберіндегі грант қаражаты есебінен жасалатын төлемдер салық салуға жатпайды.»;
- 5) 201-баптың 8-тармағы 12) тармақшасындағы «табыс салық салуға жатпайды.» деген сөздер «табыс;» деген сөзбен ауыстырылып, мынадай мазмұндағы 13) тармақшамен толықтырылсын: «13) Қазақстан Республикасындағы табысы аз азаматтарды қолдауға (оларға көмек көрсетуге) бағытталған, Қазақстан Республикасы қатысушысы болып табылатын үкіметаралық келісім шеңберіндегі грант қаражаты есебінен жасалатын төлемдер салық салуға жатпайды.»;
- 6) 248-баптың 21) тармақшасындағы «айналымдар қосылған құн салығынан босатылады.» деген сөздер «айналымдар;» деген сөзбен ауыстырылып, мынадай мазмұндағы 22) тармақшамен толықтырылсын: «22) Қазақстан Республикасындағы табысы аз азаматтарды қолдауға (оларға көмек көрсетуге) бағытталған, Қазақстан Республикасы қатысушысы болып табылатын үкіметаралық келісім шеңберіндегі грант қаражаты есебінен көрсетілетін резидент еместің қызметтер көрсетуі қосылған құн салығынан босатылады.»;
- 7) 357-баптың 3-тармағының 1) тармақшасы мынадай редакцияда жазылсын: «1) грант қаражаты есебінен жасалатын төлемдер;»;
- 8) 556-баптың 7-тармағындағы «статистикалық» деген сөз алып тасталсын;
- 9) 557-баптың 3-тармағының 8) тармақшасындағы «бөлігінде береді.» деген сөздер «бөлігінде;» деген сөзбен ауыстырылып, мынадай мазмұндағы 9) тармақшамен толықтырылсын: «9) мемлекеттік статистика саласындағы уәкілетті органға береді. Мемлекеттік статистика саласындағы уәкілетті орган салық құпиясын құрайтын мәліметтерге қол жеткізе алатын лауазымды адамдардың тізбесін бекітеді. Салық құпиясын құрайтын мәліметтер тізбесін және оларды беру тәртібін уәкілетті орган мемлекеттік статистика саласындағы уәкілетті органмен бірлесіп белгілейді.»;
- 10) 582-баптың 2) тармақшасы мынадай редакцияда жазылсын: «2) мемлекеттік статистика саласындағы;».