Бап 164 Об исполнительном производстве и статусе судебных исполнителей

Тармақ 1. Съезд, төралқа, басқарма Республикалық палатаның басқару органдары болып табылады.

Тармақ 2. Съезд Республикалық палатаның жоғары басқару органы болып табылады және жылына кемінде бір рет шақырылады. Кезектен тыс съезд Республикалық палата басқармасының шешімімен не Республиканың жұмыс істеп жүрген жеке сот орындаушыларының жалпы санының кемінде үштен екісінің талап етуі бойынша шақырылады.

• 1) Жеке сот орындаушыларының жарғысын, кәсіби ар-намыс кодексін қабылдау, оларға өзгерістер мен толықтырулар енгізу;
• 2) Республикалық палатаның төралқасының және тексеру комиссиясының мүшелерін сайлау, босату;
• 3) мүшелік жарналардың мөлшерін бекіту.

Тармақ 3. Төралқа Республикалық палатаның өкілді органы болып табылады. Төралқаның құрамына жеке сот орындаушыларының әрбір өңірлік палатасынан екі жыл мерзімге сайланатын бір-бірден жеке сот орындаушысы, сондай-ақ өкілеттіктер мерзімін уәкілетті орган айқындайтын уәкілетті органның үш өкілі кіреді.

• 1) Республикалық палатаның төрағасын лауазымға сайлайды және лауазымнан босатады;
• 2) Республикалық палата қызметінің басым бағыттарын айқындайды;
• 3) Республикалық палатаның жылдық бюджетін бекітеді;
• 4) басқарманың қызметі туралы оның есебін тыңдайды;
• 5) жарғыда көзделген өкілеттіктер шеңберінде өзге де қызметті жүзеге асырады.

Тармақ 4. Басқарма Республикалық палатаның тұрақты жұмыс істейтін алқалы атқарушы органы болып табылады. Республикалық палатаның төрағасы басқарма төрағасы болып табылады.

• 1) съезд пен төралқа шешімдерінің орындалуын ұйымдастырады;
• 2) Республикалық палатаның қызметін дамыту бағдарламаларын әзірлейді;
• 3) жарғыда көзделген шекте және тәртіппен Республикалық палатаның мүлкіне билік етеді.