«Трансферттік баға белгілеу туралы» 2008 жылғы 5 шілдедегі Қазақстан Республикасының Заңына (Қазақстан Республикасы Парламентінің Жаршысы, 2008 ж., № 15-16, 65-құжат; 2009 ж., № 18, 84-құжат): 1) 2-бап мынадай редакцияда жазылсын: «2-бап. Осы Заңда пайдаланылатын негізгі ұғымдар
- 2) 3-баптың 1-тармағы 2) тармақшасының төртінші абзацындағы «мәмілелер бойынша олар халықаралық іскерлік операциялармен тікелей өзара байланысты болған жағдайда» деген сөздер «халықаралық іскерлік операциялармен тікелей өзара байланысты мәмілелер бойынша» деген сөздермен ауыстырылсын;
- 3) 4-бапта : 2-тармақ мынадай редакцияда жазылсын: «2. Уәкілетті органдардың осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де құқықтары бар.»; 3-тармақ мынадай мазмұндағы 3-1) және 3-2) тармақшалармен толықтырылсын: «3-1) мәмілеге қатысушының трансферттік баға белгілеуді қолдану жөнінде келісім жасасуға өтінішін мәмілеге қатысушыдан өтініш алған күннен бастап тоқсан жұмыс күні ішінде қарауға; 3-2) мәмілеге қатысушының өтінішін қарау нәтижелері бойынша шешім қабылдаған күннен бастап бес жұмыс күні ішінде трансферттік баға белгілеуді қолдану жөнінде келісім жасасудан бас тартудың себептерін көрсете отырып, мәмілеге қатысушыға жазбаша жауап жіберуге;»; 4-тармақ мынадай редакцияда жазылсын: «4. Уәкілетті органдар осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де міндеттерді атқарады.»;
- 4) 5-бапта : 1-тармақта: мынадай мазмұндағы 3-1) тармақшамен толықтырылсын: «3-1) бақылауды жүзеге асыру және салықтық тексеру нәтижелері туралы хабарламаларға шағым жасау барысында қолданылатын бағаның экономикалық негіздемесін және қолданылатын бағаны растайтын басқа да ақпаратты уәкілетті органдарға беруге;»; 5) тармақша «мәміленің бағасын және» деген сөздерден кейін «(немесе)» деген сөзбен толықтырылсын; 3-тармақтың 4) тармақшасындағы және 4-тармақтағы «осы Заңмен және Қазақстан Республикасының өзге де заңдарымен көзделген тәртіппен басқа да» және «осы Заңмен және Қазақстан Республикасының өзге де заңдарымен көзделген басқа да» деген сөздер тиісінше «осы Заңда көзделген тәртіппен өзге де» және «осы Заңда көзделген өзге де» деген сөздермен ауыстырылсын;
- 5) 6-баптың 4-тармағы мынадай редакцияда жазылсын: «4. Мәмiлелер мониторингiн жүзеге асыру ережелерін уәкiлеттi органдар бекiтедi және оларда мәмiлеге қатысушының мәмілелер мониторингі бойынша бекiтiлген есептiлiк нысандарын толтыру және оларды уәкілетті органдарға ұсыну тәртібі, сондай-ақ мәмілелер мониторингі бойынша құжаттама жүргiзу тәртібі қамтылады.»;
- 6) 7-бапта : тақырып мынадай редакцияда жазылсын: «7-бап. Мәмілелер мониторингі бойынша есептілік және құжаттама»; 1-тармақта: 1) тармақшаның алтыншы абзацы алып тасталсын; 3), 4) және 8) тармақшалар мынадай редакцияда жазылсын: «3) ақпарат көзін; 4) осы Заңның 3-бабында көрсетілген мәмілелер бойынша, шарттардан (келісімшарттардан), шот фактуралардан (инвойстардан), кедендік жүк декларацияларынан алынған мәліметтерден, қаржы ұйымдары ұсынатын мәліметтерден, сондай-ақ дифференциалды айқындау үшін қажетті өзге де мәліметтерден тұратын ақпаратты;»; «8) маржаны, сауда брокерінің, трейдердің немесе агенттің комиссиялық (агенттік) сыйақысын не олардың сауда-делдалдық функцияларды орындағаны үшін өтемақыларды қамтиды. Бұл ретте, егер мәмілеге қатысушылар үшін маржаның құрамдастарын ашатын ақпарат қолжетімді болса, мәмілеге қатысушы мұндай ақпаратты береді және егер маржа сауда брокерінің, трейдердің немесе агенттің комиссиялық (агенттік) сыйақысын не сауда-делдалдық функцияларды орындағаны үшін өтемақыны қамтитын жағдайда, уәкілетті органдар бұл құрамдастарды бақылауды жүзеге асыру кезінде есепке алмайды;»; 2-тармақтағы «Осы» деген сөз «Мәмілеге қатысушылар, оның ішінде осы» деген сөздермен ауыстырылсын;
- 7) 10-бап мынадай редакцияда жазылсын: «10-бап. Салық салу объектілеріне және (немесе) салық салумен байланысты объектілерге түзету