Бап 28 О недрах и недропользовании. Жер қойнауын пайдалану құқығының түрлері

Тармақ 1. Жер қойнауын пайдалану құқығы мынадай операцияларды жүргізу:

• 1) жер қойнауын мемлекеттік геологиялық зерттеу;
• 2) барлау;
• 3) өндіру;
• 4) бірлескен барлау мен өндіру;
• 5) барлаумен немесе өндірумен байланысты емес жерасты құрылыстарын салу және (немесе) пайдалану үшін беріледі.

Тармақ 2. Жер қойнауын пайдалану құқығы тұрақты немесе уақытша, иеліктен шығарылатын немесе шығарылмайтын, өтемді немесе өтеусіз болуы мүмкін.

Тармақ 3. Жер қойнауын пайдаланушыға жеке меншiк немесе жер пайдалану құқығымен тиесiлi жер учаскелерiнде кең таралған пайдалы қазбаларды және жерасты суларын өз мұқтажы үшiн тәулігіне елу текше метрден аспайтын өндіру көлемінде өндiру тұрақты және өтеусiз жер қойнауын пайдалану құқығымен жүзеге асырылады.