2008 жылғы 10 желтоқсандағы «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) (Қазақстан Республикасы Парламентінің Жаршысы, 2008 ж., № 22-I, 22-II, 112-құжат; 2009 ж., № 2-3, 16, 18-құжаттар; № 13-14, 63-құжат; № 15-16, 74-құжат; № 17, 82-құжат; № 18, 84-құжат; № 23, 100-құжат; № 24, 134-құжат; 2010 ж., № 1-2, 5-құжат; № 5, 23-құжат; № 7, 28, 29-құжаттар): 1) мазмұнында: мынадай мазмұндағы жиырма екінші және екі жүз тоқсан үшінші абзацтармен толықтырылсын: «17-1-бап. Өнімді бөлу туралы келісім (келісімшарт) негізінде жер қойнауын пайдалану бойынша операцияларды жүзеге асыру кезінде оператор арқылы салықтық қатынастарға қатысу»; «233-1-бап. Комиссия шартының талаптарына сәйкес келетін жағдайларда жүзеге асырылатын өткізу бойынша айналымдар»; 248-баптың тақырыбы мынадай редакцияда жазылсын: «248-бап. Қосылған құн салығынан босатылған, өткізу орны Қазақстан Республикасы болып табылатын тауарларды, жұмыстарды, көрсетілетін қызметтерді өткізу бойынша айналымдар»; 250-баптың тақырыбы мынадай редакцияда жазылсын: «250-бап. Қосылған құн салығынан босатылатын қаржылық операциялар»; мынадай мазмұндағы үш жүз отыз сегізінші абзацпен толықтырылсын: «271-1-бап. Жай серіктестік (консорциум) құрамында өнімді бөлу туралы келісім (келісімшарт) бойынша қызметті жүзеге асыратын жер қойнауын пайдаланушылардың қосылған құн салығы бойынша салық міндеттемесін орындауының ерекшеліктері»; мынадай мазмұндағы үш жүз қырық төртінші – үш жүз алпыс жетінші абзацтармен толықтырылсын: «37-1-тарау. Кеден одағында тауарлардың экспорты мен импорты, жұмыстарды орындау, қызметтер көрсету кезінде қосылған құн салығын салу ерекшеліктері 276-1-бап. Жалпы ережелер 276-2-бап. Кеден одағында қосылған құн салығын төлеушілер 276-3-бап. Салық салу объектілері, салық салынатын айналымды айқындау 276-4-бап. Кеден одағында тауарларды, жұмыстарды, көрсетілетін қызметтерді өткізу бойынша айналымды және салық салынатын импортты айқындау 276-5-бап. Тауарларды, жұмыстарды, көрсетілген қызметтерді өткізу орны 276-6-бап. Тауарларды, жұмыстарды, көрсетілетін қызметтерді өткізу бойынша айналым жасау, салық салынатын импортты жасау күні 276-7-бап. Тауарлардың экспорты кезінде салық салынатын айналымның мөлшерін айқындау 276-8-бап. Салық салынатын импорттың мөлшерін айқындау 276-9-бап. Жұмыстарды, көрсетілетін қызметтерді өткізу бойынша салық салынатын айналымның мөлшерін айқындау 276-10-бап. Кеден одағындағы тауарлардың экспорты 276-11-бап. Тауарлар экспортын растау 276-12-бап. Кеден одағында халықаралық тасымалдарға салық салу 276-13-бап. Кеден одағында алыс-беріс шикізатын өңдеу жөніндегі жұмыстарға салық салу 276-14-бап. Алыс-беріс шикізатын өңдеу мерзімдері 276-15-бап. Кеден одағында қосылған құн салығынан босатылған айналымдар мен импорт 276-16-бап. Кеден одағында қосылған құн салығының сомаларын есепке жатқызу тәртібі 276-17-бап. Шот-фактура 276-18-бап. Тауарлардың импорты кезінде қосылған құн салығын төлеушілерді айқындау ерекшеліктері 276-19-бап. Қазақстан Республикасының аумағына тауарлардың импорты кезінде кеден одағында комиссия, тапсырма шарттары бойынша қосылған құн салығын есептеу ерекшеліктері 276-20-бап. Кеден одағында қосылған құн салығын есептеу және төлеу тәртібі 276-21-бап. Кеден одағында тауарлардың экспорты кезінде тауарларды әкелу және жанама салықтардың төленгені туралы өтінішті табыс ету тәртібі 276-22-бап. Кеден одағында тауарлардың импорты кезінде тауарларды әкелу және жанама салықтардың төленгені туралы өтінішті кері қайтарып алу 276-23-бап. Тауарлардың импорты кезінде төленген қосылған құн салығының сомаларын түзету тәртібі;»; мынадай мазмұндағы үш жүз сексен төртінші абзацпен толықтырылсын: «308-1-бап. Жекелеген жер қойнауын пайдаланушылардың салық міндеттемесін орындау тәртібі»; 386-баптың тақырыбы «Автотұрақтар» деген сөзден кейін «(паркингтер)» деген сөзбен толықтырылсын; 653-баптың тақырыбы мынадай редакцияда жазылсын: «653-бап. Өндірілген немесе Қазақстан Республикасына импортталған акцизделетін тауарларды бақылау»;
- 2) 12-баптың 1-тармағында: 1) тармақшада: «ақпараттық массивтерді жинау мен қорытуды» деген сөздер «ақпаратты жинау мен қорытуды, ақпараттық массивтерді (деректерді)» деген сөздермен ауыстырылсын; 4) тармақша мынадай редакцияда жазылсын: «4) басқа да міндетті төлемдер – осы Кодексте белгіленген мөлшерде және жағдайларда жүргізілетін кедендік төлемдерін қоспағанда, бюджетке төлемақылар, алымдар, баждар түріндегі міндетті ақша аударымдары;»; 39) тармақшаның үшінші абзацындағы «лизингке» деген сөз «қаржы лизингіне» деген сөздермен ауыстырылсын; мынадай мазмұндағы 46) және 47) тармақшалармен толықтырылсын: «46) оператор - өнімді бөлу туралы келісім (келісімшарт) шеңберінде жай серіктестік (консорциум) құрамында жер қойнауын пайдалану бойынша операцияларды жүзеге асыратын жер қойнауын пайдаланушылар Қазақстан Республикасының заңнамалық актілеріне сәйкес құратын немесе айқындайтын заңды тұлға; 47) тауарлардың импорты - кеден одағының кеден заңнамасына және (немесе) Қазақстан Республикасының кеден заңнамасына сәйкес жүзеге асырылатын, тауарларды кеден одағының кеден аумағына әкелу, сондай-ақ тауарларды кеден одағына мүше басқа мемлекеттің аумағынан Қазақстан Республикасының аумағына әкелу.»;
- 3) 14-баптың 1-тармағының 6) тармақшасындағы «беруге міндетті.» деген сөздер «беруге;» деген сөзбен ауыстырылып, мынадай мазмұндағы 7) тармақшамен толықтырылсын: «7) акцизделетін тауарларды (жеңіл автомобильдерді және магистральды құбырлармен өткізілетін акцизделетін тауарларды қоспағанда) кеден одағы шеңберінде Қазақстан Республикасының шекарасы арқылы Қазақстан Республикасының Үкiметi айқындайтын өткізу пункттерінде ғана өткізуді қамтамасыз етуге және уәкілетті орган белгілеген тәртіппен осындай акцизделетін тауарларды алдағы уақытта алатыны туралы салық органдарына хабарлауға міндетті.»;
- 4) 17-баптың 1-тармағы мынадай редакцияда жазылсын: «1. Егер осы тармақта өзгеше көзделмесе, салық төлеуші (салық агенті) Қазақстан Республикасының салық заңнамасында реттелетін қатынастарға заңды немесе уәкілетті өкілі арқылы қатысуға құқылы. Осы Кодекстің 571-бабының 4-тармағына сәйкес салық органының шешімімен қосылған құн салығы бойынша тіркеу есебінен алып тасталған салық төлеуші қосылған құн салығын төлеуші болып табылмаған кезеңде осындай салық төлеуші қосылған құн салығы бойынша салық есептілігін табыс еткен жағдайда осы тармақтың ережесі қолданылмайды.»;
- 5) 2-тарау мынадай мазмұндағы 17-1-баппен толықтырылсын: «17-1-бап. Өнімді бөлу туралы келісім (келісімшарт) негізінде жер қойнауын пайдалану бойынша операцияларды жүзеге асыру кезінде салық қатынастарына оператор арқылы қатысу