Бап 5 О ратификации Соглашения об установлении и применении в таможенном союзе порядка зачисления и распределения ввозных таможенных пошлин (иных пошлин, налогов и сборов, имеющих эквивалентное действие)

Тармақ 1. Тараптың уәкілетті органы кедендік әкелу баждарының сомаларын Тараптар арасында бөлуді уәкілетті органның бірыңғай шотына кедендік әкелу баждарының сомалары есепке жатқызылған есепті күннен кейін Тараптың келесі жұмыс күні жүзеге асырады.

Тармақ 2. Тараптың уәкілетті органының бірыңғай шотынан осы Тараптың бюджетіне, сондай-ақ басқа Тараптардың шетел валютасындағы шоттарына аударуға жататын кедендік әкелу баждары сомаларының есеп-қисабы Тараптар арасында бөлуге жататын кедендік әкелу баждарының жалпы сомасын проценттермен белгіленетін бөлу нормативтеріне көбейту жолымен жүзеге асырылады.

Тармақ 3. Әрбір Тарап үшін кедендік әкелу баждарының сомаларын бөлу нормативтері мынадай мөлшерде белгіленеді:

• 1) Беларусь Республикасы - 4,70 %;
• 2) Қазақстан Республикасы - 7,33 %;
• 3) Ресей Федерациясы - 87,97 %.

Тармақ 4. Тараптардың уәкілетті орган дары Тараптарға кедендік әкелу баждарының сомаларын аударуды уәкілетті органның бірыңғай шотына есепке алу күнінен кейін Тараптың келесі жұмыс күнінде басқа Тараптардың шетел валютасындағы шоттарына жүзеге асырады.

Тармақ 5. Осы Келісімге сәйкес Тараптардың уәкілетті органдарынан шетел валютасындағы шоттарға түскен кедендік әкелу баждарын бөлуден түсетін сомаларды Тарап бюджетінің кірісіне аудару тәртібі осы Келісімге 1-қосымшамен реттеледі.

Тармақ 6. Кедендік әкелу баждарын бөлу және Тараптардың бюджеттеріне аудару сомаларын есепке алуды уәкілетті органдар жүзеге асырады.