Тармақ 1. Осы Келісімнің орындалуын бақылауды Кеден одағының комиссиясы жүзеге асырады.
Тармақ 2. Кеден одағының комиссиясы Еуразия экономикалық қоғамдастығының үкіметтер басшылары деңгейіндегі Мемлекетаралық Кеңесіне (кеден одағының жоғары органы) осы Келісімнің орындалуы туралы жыл сайынғы есепті береді.
Тармақ 3. Кеден одағы комиссиясының шешімі бойынша Тараптардың кедендік әкелу баждарының түскен сомаларын есепке жатқызу мен болу тәртібін сақтауын бақылау (аудит) үшін Тараптардың уәкілетті, кеден және өзге мемлекеттік органдарының қызметкерлерінен, өзге де тартылған мамандардан арнайы комитет құрылуы мүмкін.
Тармақ 4. Беларусь Республикасының Мемлекеттік бақылау комитеті, Қазақстан Республикасы Республикалық бюджеттің атқарылуын бақылау жөніндегі есеп комитеті , Ресей Федерациясының Есеп палатасы жыл сайын бірлескен бақылау іс-шаралары шеңберінде Тараптардың уәкілетті органдарының осы Келісімнің ережелерін сақтауын тексереді.
Тармақ 5. Беларусь Республикасының Мемлекеттік кеден комитеті, Қазақстан Республикасы Қаржы министрлігінің Кедендік бақылау комитеті және Федералдық кеден қызметі кедендік әкелу баждарын төлеуге байланысты ақпарат алмасудың бірыңғай тәртібін анықтайды.