Тармақ 1. ЕЭА резидентін (қатысушыны, субъектіні) (бұдан әрі - резидент) тіркеу тәртібі мен шарттары, оның ішінде заңды тұлғаның мемлекеттік тіркелген жеріне және (немесе) тұрған жеріне немесе резидент мәртебесін алуға үміткер дара кәсіпкердің тұрғылықты жерінің мекенжайына қойылатын талап, резидент мәртебесін алуға үміткер заңды тұлғаның ұйымдық-құқықтық нысанына қойылатын талап мүше мемлекеттің заңнамасында айқындалады.
Тармақ 2. Заңды тұлға немесе дара кәсіпкер мүше мемлекеттің резиденттер тізіліміне тиісті жазу енгізілген күннен бастап резидент деп танылады.
Тармақ 3. Резиденттердің тізілімін жүргізу тәртібі мүше мемлекеттердің заңнамасында айқындалады.