Тармақ 1. Жеке пайдалануға арналған тауарларды кеден одағының кедендік аумағына әкелу және (немесе) осы аумақтан әкету кезінде осы Келісімге 2-қосымшада көрсетілген тыйымдар мен шектеулер қолданылады.
Тармақ 2. Осы баптың 3-тармағында көрсетілгендерді қоспағанда, әкелуге және (немесе) әкетуге шектеу қойылған жеке пайдалануға арналған тауарларды кедендік шекара арқылы өткізуге кеден одағының кеден заңнамасына сәйкес кеден одағына мүше мемлекеттердің уәкілетті органдары беретін, шектеулердің сақталғанын растайтын құжаттарды кеден органына ұсынғанда жол беріледі.
Тармақ 3. Кедендік шекара арқылы өткізілетін жеке пайдалануға арналған тауарларға тарифтік емес және техникалық реттеу шаралары қолданылмайды.
Тармақ 4. Кеден одағына мүше мемлекеттердің халықаралық шарттарына сәйкес фитосанитариялық, ветеринариялық және мемлекеттік бақылаудың басқа да түрлеріне жататын жеке пайдалануға арналған тауарларды шығару бақылаудың тиісті түрлері жүргізілгеннен кейін жүзеге асырылады.