Тармақ 1. Бір Тараптың сот органдары осы Тараптың ұлттық заңнамасының ережелеріне сәйкес екінші Тараптың құзыретті сот органдарына сұрау салу арқылы азаматтық және коммерциялық істер бойынша дәлелдемелерді сұрай алады. 2. Осы Келісім мақсаттары үшін дәлелдемелерді табыстау: a) айғақтарды табыстауды; b) сәйкестендірудің немесе сұралып жатқан құжаттар мен жазбаларды қараудың нәтижелерін қамтиды. 3. Сұрау салу: a) дәлелдемелерді сұрайтын сот органының құзыретін; b) дәлелдемелер сұралған даудың мәнін және осыған байланысты барлық қажетті ақпаратты; с) дау тараптарының атауы мен мекен-жайын; d) сұралған дәлелдемелерді; және e) жауап алынатын адамдардың аттары мен мекен-жайларын қамтуы тиіс. 4. Қажет болған кезде сұрау салу дау мәні бойынша жауап алынатын куәгерлерге не басқа да мүдделі тұлғаларға сұрақтар тізбесімен не әрбір дәлелдемеге немесе айғаққа байланысты сұралынатын құжаттардың тізбесімен бірге жүруі тиіс.