Тармақ 1. Азаматтық авиация саласындағы уәкілетті органның қарамағындағы ұйым инспекторының азаматтық әуе кемелерінің пайдалануға жарамдылығын бағалау туралы бұрмаланған және (немесе) дәйексіз мәліметтері бар азаматтық әуе кемелерінің пайдалануға жарамдылығы туралы бағалау актісін жасауы және оны азаматтық авиация саласындағы уәкілетті органның қарамағындағы ұйымның беруі, - азаматтық авиация саласындағы уәкілетті органның қарамағындағы ұйым инспекторына айлық есептік көрсеткіштің жиырмадан елуге дейінгі мөлшерінде, азаматтық авиация саласындағы уәкілетті органның қарамағындағы ұйымға айлық есептік көрсеткіштің жүзден жүз елуге дейінгі мөлшерінде айыппұл салуға әкеп соғады. 2. Осы баптың бірiншi бөлiгiнде көзделген iс-әрекеттерді әкiмшiлiк жаза қолданылғаннан кейiн бiр жыл iшiнде қайталап жасау, - азаматтық авиация саласындағы уәкілетті органның қарамағындағы ұйым инспекторына айлық есептік көрсеткіштің жүзден жүз елуге дейінгі мөлшерінде, азаматтық авиация саласындағы уәкілетті органның қарамағындағы ұйымға айлық есептік көрсеткіштің екі жүзден үш жүзге дейінгі мөлшерінде айыппұл салуға әкеп соғады.»;
Тармақ 2. «Қазақстан Республикасындағы көлік туралы» 1994 жылғы 21 қыркүйектегі Қазақстан Республикасының Заңына (Қазақстан Республикасы Жоғарғы Кеңесінің Жаршысы, 1994 ж., № 15, 201-құжат; Қазақстан Республикасы Парламентінің Жаршысы, 1996 ж., № 2, 186-құжат; 1998 ж., № 24, 447-құжат; 2001 ж., № 23, 309, 321-құжаттар; № 24, 338-құжат; 2003 ж., № 10, 54-құжат; 2004 ж., № 18, 110-құжат; № 23, 142-құжат; 2005 ж., № 15, 63-құжат; 2006 ж., № 3, 22-құжат; № 14, 89-құжат; № 24, 148-құжат; 2009 ж., № 18, 84-құжат): 1) 3-бапта : бірінші бөліктегі «жүйесiнiң» деген сөз «органдарының» деген сөзбен ауыстырылсын; мынадай мазмұндағы екінші бөлікпен толықтырылсын: «Әуе қозғалысына қызмет көрсету органдарының аэронавигациялық құрылғылары Қазақстан Республикасының заңдарында көзделген жағдайларда мемлекет меншігінде және (немесе) жеке меншікте болуы мүмкін.»;