Бап 27 О правоохранительной службе

Тармақ 1. Арнаулы атақты немесе сыныптық шендi бiр сатыға төмендетудi:

• 1) кiшi және орта басшы құрамдар атағындағы қызметкерлерге – уәкiлеттi басшы;
• 2) аға басшы құрам атағындағы қызметкерлерге – құқық қорғау органының басшысы;
• 3) жоғары басшы құрам атағындағы қызметкерлерге – Қазақстан Республикасының Президенті айқындаған тәртіппен Қазақстан Республикасының Президенті тәртiптiк жазалау шарасы ретiнде қолданады.

Тармақ 2. Арнаулы атақтардан немесе сыныптық шендерден айыру мына қызметкерлерге қатысты тәртiптiк жазалау шарасы ретiнде қолданылады:

• 1) полковникті, аға кеңесшiнi қоса алғанға дейін – құқық қорғау органының басшысы;
• 2) жоғары басшы құрамға Қазақстан Республикасының Президентi айқындайтын тәртiппен – Қазақстан Республикасының Президентi жүзеге асырады.

Тармақ 3. Арнаулы атақтағы немесе сыныптық шендегi еңбек сiңiру мерзiмi арнаулы атақты немесе сыныптық шендi төмендету түрiнде тәртiптiк жауаптылыққа тарту туралы бұйрық шығарылған күннен бастап үзiледi және арнаулы атақты немесе сыныптық шендi қалпына келтiру туралы бұйрық шығарылған күннен бастап қалпына келтiрiледi.

Тармақ 4. Қызметкерге бұрынғы арнаулы атағы немесе сыныптық шенi қайта қалпына келтiрiлгенге және оған кезектi арнаулы атақ немесе сыныптық шен берiлгенге дейiн арнаулы атақтан немесе сыныптық шеннен қайта төмендету жүргізiлмейдi.