Тармақ 1. Осы Конвенция қамтитын қылмыстарды жасауға қатысы бар жеке немесе заңды тұлғалардың мүлкін тәркілеу туралы шешімді орындау кезінде сұрау салынатын Тарап үшінші тұлғалардың құқықтарына қатысты сұрау салушы Тарап шығарған сот шешімін таниды. 2. Мұндай танудан мынадай жағдайлардың бірінде: 1) егер үшінші тұлғалардың өз құқықтары туралы мәлімдеу үшін жеткілікті мүмкіндіктері болмаса; 2) егер үшінші тұлғалар өз құқықтары туралы біржақты және негізді мәлімдесе; 3) егер шешім осы мәселе бойынша сұрау салынатын Тарап шығарған шешімге қайшы келсе; 4) егер шешім сұрау салынатын Тараптың заңнамасына қайшы келсе; 5) егер шешім сұрау салынатын Тараптың заңнамасында көзделген айрықша юрисдикциясына қатысты ережелерге қарамастан шығарылса бас тартылуы мүмкін.