Тармақ 1. «Пошта маркасы» термині қолданыстағы Конвенциямен қорғалған және осы баптың және Регламенттердің шарттарына сәйкес келетін маркаларға қатысты ғана пайдалануға тиіс. 2. Пошта маркалары: 2.1. ДПО Актілеріне сәйкес шығару құқығы бар орган ғана шығарады; маркаларды шығару оларды айналымға шығаруды қамтиды. 2.2. егемендік көрінісі болып табылады және мыналарды: 2.2.1. Одақ Актісіне сәйкес олар пошта жөнелтімдеріне желімденсе олардың шынайы құнына сәйкес мөлшерде пошта алымының алдын ала төлемі жасалғанының айғағы екенін; 2.2.2. филателия объектілері ретінде пошта әкімшілігі үшін қосымша кіріс көзі екенін білдіреді; 2.3. пошта алымдарының алдын ала төлемі мен филателия үшін әкімшілік шығаратын аумақта айналымда болуға тиіс. 3. Егемендіктің белгісі ретінде пошта маркалары: 3.1. латын әріптерімен жазылған мемлекет немесе субъектісі шығарушы пошта әкімшілігі болып табылатын аумақ атауын; 3.1.1. факультативтік тәртіппен субъектісі шығарушы пошта әкімшілігі болып табылатын мемлекеттің ресми эмблемасын; 3.1.2. жалпы алғанда латын әріптерімен немесе араб цифрларымен белгіленген олардың атаулы құнын; 3.1.2. факультативтік тәртіппен латын немесе басқа да әріптермен жазылған «Роstes» («Пошта») деген сөзді қамтуға тиіс. 4. Пошта маркаларында бейнеленетін мемлекет эмблемасы, үкіметтік ұйымдардың ресми қызметтік жазбалары мен логотиптері Зияткерлік меншікті қорғау жөніндегі Париж конвенциясының ережелері шеңберінде қорғалған. 5. Пошта маркаларының тақырыбы мен сюжеттері: 5.1. ДПО Жарғысына кіріспе мәніне және Одақ органдары қабылдаған шешімдерге сәйкес келуге тиіс; 5.2. елдің немесе субъектісі шығарушы пошта әкімшілігі болып табылатын аумақтың мәдени өзгешелігімен тығыз байланысты болуға немесе мәдениетті таратуға немесе бейбітшілікті қолдауға ықпал етуге тиіс; 5.3. көрнекі тұлғалардың немесе сол елдің немесе субъектісі шығарушы елдің пошта әкімшілігі болып табылатын аумақтың тарихына жататын қандай да бір оқиғаның құрметіне естелік маркалар шығарылған жағдайда олар осы елмен немесе аумақпен тығыз байланысты болуға тиіс; 5.4. саяси сипаты болмауға немесе қандай да бір тұлғаны немесе елді қорламауға тиіс; 5.5. сол ел немесе субъектісі шығарушы елдің пошта әкімшілігі болып табылатын аумақ үшін аса маңызды болуға тиіс. 6. Зияткерлік меншік құқықтарының субъектісі ретінде пошта маркалары мыналарды: 6.1. шығарушы пошта әкімшілігінің тиісті зияткерлік меншік құқығын, атап айтқанда: 6.1.1. шығарылған жылды көрсете отырып, авторлық құқықтарды көрсететін © белгісі салынған авторлық құқықты; 6.1.2. бұл белгіден кейін ® тіркелген сауда маркасы нышаны қойылған, субъектісі шығарушы пошта әкімшілігі болып табылатын мүше елдің аумағында тіркелген белгіні; 6.2. суретшінің тегін; 6.3. баспахана атауын пайдалану құқығына нұсқауды қамтуы мүмкін. 7. Пошта төлемінің белгілері, франкировальдық машиналар бедері мен ДПО Актісіне сәйкес келетін басудың штемпелдеудің басқа да тәсілдерімен алынатын бедерлер тек пошта әкімшілігінің рұқсатымен ғана қойылады.