Аукцион екі әдіспен:
- 1) бағаны көтеру;
- 2) бағаны төмендету әдісімен өткізіледі.
- 3) Бағаны көтеру әдісі қолданылатын аукционды өткізу кезінде жекешелендіру объектісінің бастапқы бағасы осы Заңның 100-1-бабының 1-тармағына сәйкес айқындалған жекешелендіру объектісінің алғашқы бағасына тең болады.
- 4) Бағаны төмендету әдісі қолданылатын аукционды өткізу кезінде жекешелендіру объектісінің бастапқы бағасы алғашқы бағаны 3-ке тең болатын арттыру коэффициентіне көбейту жолымен айқындалады.
- 5) Жекешелендіру объектісі бірінші сауда-саттыққа бағаны көтеруге арналған әдіс қолданылатын аукционға шығарылады.
- 6) Екінші сауда-саттыққа жекешелендіру объектісі алғашқы бағаның жетпіс пайызы мөлшерінде ең төмен баға белгіленіп, бағаны төмендетуге арналған әдіс қолданылатын аукционға шығарылады.
- 7) Үшінші сауда-саттыққа жекешелендіру объектісі бастапқы бағаның елу пайызы мөлшерінде ең төмен бағаны белгілей отырып, бағаны төмендетуге арналған әдіс қолданылатын аукционға шығарылады.
- 8) Төртінші сауда-саттыққа жекешелендіру объектісі бастапқы бағаның отыз пайызы мөлшерінде ең төмен бағаны белгілей отырып, бағаны төмендетуге арналған әдіс қолданылатын аукционға шығарылады.
- 9) Бесінші және одан кейінгі сауда-саттықтарға жекешелендіру объектісі кепілдік жарна мөлшерінен төмен болмайтын ең төмен бағаны белгілей отырып, бағаны төмендетуге арналған әдіс қолданылатын аукционға шығарылады.
- 10) Әрбір кейінгі аукцион алдыңғы аукцион күнінен бастап күнтізбелік отыз күннен кешіктірілмей өткізіледі.