«Атқарушылық iс жүргiзу және сот орындаушыларының мәртебесi туралы» 2010 жылғы 2 сәуірдегі Қазақстан Республикасының Заңына (Қазақстан Республикасы Парламентінің Жаршысы, 2010 ж., № 7, 27-құжат; 2011 жылғы 8 қаңтарда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбiр заңнамалық актiлерiне атқарушылық құжаттарды орындау, республикалық меншiкке айналған (түскен) мүлiктi есепке алу, сақтау, бағалау және одан әрi пайдалану мәселелерi бойынша өзгерiстер мен толықтырулар енгiзу туралы» 2010 жылғы 28 желтоқсандағы Қазақстан Республикасының Заңы ; 2011 жылғы 19 қаңтарда «Егемен Қазақстан» және «Казахстанская правда» газеттерінде жарияланған «Қазақстан Республикасының кейбiр заңнамалық актiлерiне құқық қорғау қызметi және сыныптық шен, әскери және арнаулы атақтар беру, әскери қызметшiлердiң және өзге де мемлекеттiк органдар қызметкерлерiнiң нысанды киiм киiп жүру құқығы мәселелерi бойынша өзгерiстер мен толықтырулар енгiзу туралы» 2011 жылғы 6 қаңтардағы Қазақстан Республикасының Заңы ):
- 1) 42-баптың бірінші бөлігі мынадай мазмұндағы 10-1) тармақшамен толықтырылсын: «10-1) сот бас ұйым ретінде банк конгломератына кіретін және қаржы ұйымы болып табылмайтын ұйымды қайта құрылымдау туралы шешім қабылдаған;»;
- 2) 44-бап мынадай мазмұндағы 8-1) тармақшамен толықтырылсын: «8-1) осы Заңның 42-бабы бірінші бөлігінің 10-1) тармақшасында көзделген жағдайда, – бас ұйым ретінде банк конгломератына кіретін және қаржы ұйымы болып табылмайтын ұйымды қайта құрылымдау тоқтатылғанға дейін;».