Осы Хаттама ратификациялауға жатады және 2009 жылғы 27 қарашадағы Кеден одағының Кеден кодексі туралы шарт күшіне енген күннен бастап уақытша қолданылады. Осы Хаттама депозитарий дипломатиялық арналар арқылы Тараптардың осы Хаттаманың күшіне енуі үшін қажетті мемлекетішілік рәсімдерді орындағаны туралы соңғы жазбаша хабарламаны алған күнінен бастап күшіне енеді, бірақ 2009 жылғы 27 қарашадағы Кеден одағының Кеден кодексі туралы шарт күшіне енетін күннен ерте күшіне енбейді. 2010 жылғы 5 шілдеде Астана қаласында орыс тілінде бір түпнұсқа данада жасалды. Осы Хаттаманың түпнұсқа данасы осы Хаттаманың депозитарийі болып табылатын және әрбір Тарапқа оның расталған көшірмесін жіберетін Кеден одағының комиссиясында сақталады.
Тармақ 2010. жылғы 5 шілдеде Астана қаласында қол қойылған Кеден одағының бірыңғай кеден аумағының жұмыс істеу режимінен жекелеген уақытша алулар туралы хаттаманың куәландырылған көшірмесінің куәландырылған көшірмесі екендігін растаймын.