Осы Келісімнің мақсаттары үшін онда қолданылатын ұғымдар мынаны білдіреді: а) «әуе кемелері» - АҚШ-тың әскери-көлік әуе кемелері, сондай-ақ америкалық Тарап жалдаған, бортында жүк және/немесе персонал бар әуе кемелері; b) «жүк»: - Ауғанстан тұрғындары арасында өтеусіз таратуға арналған гуманитарлық көмек құралдары, соның ішінде тамақ өнімдері, медициналық препараттар, құрал-жабдықтар мен материалдар; - америкалық Тараптың азаматтық мамандарының тұрмыс-тіршілігін қамтамасыз ету құралдары; - қару-жарақтар, әскери техника мен әскери мүлік, ядролық материалдар мен ядролық қаруды қоспағанда, қарулы күштердің жеке құрамының тұрмыс-тіршілігін қамтамасыз ету құралдары, осы қару-жарақ, әскери техника, әскери мүлік және басқа да заттар АҚШ заңдарына және нормативтік актілеріне сәйкес қолданылатын немесе жұмсалатын немесе қайтарылатын, жойылатын немесе берілетін болады; с) «АҚШ персоналы» - АҚШ Қорғаныс министрлігінің әскери қызметшілері мен азаматтық персоналы; d) «АҚШ мердігерлері персоналы» - АҚШ Үкіметімен шартқа байланысты немесе оның атынан заңды тұлға жалдаған, транзиті Ауғанстанның қауіпсіздігін, тұрақтылығын және оны қайта қалпына келтіруді қамтамасыз ету жөніндегі халықаралық іс-қимылға қолдау көрсету мақсатында жүзеге асырылатын персонал; е) «Қазақстан Республикасының аумағы» - Қазақстан Республикасына қатысты қолданылатын, 1944 жылғы 7 желтоқсандағы Халықаралық азаматтық авиация туралы конвенцияның 2-бабында белгіленген аумақ; f) «техникалық сарапшылар» - америкалық Тараптың әуе кемесін жөндеу жөніндегі мамандары; g) «транзит» - Қазақстан Республикасы аумағының шегінен тыс басталатын және аяқталатын, Қазақстан Республикасының әуе кеңістігі арқылы әуе кемелерімен жүзеге асырылатын АҚШ жүктерінің, персоналының және АҚШ мердігерлері персоналының қозғалысы.