Бап 13 О ратификации Соглашения о единых принципах и правилах технического регулирования в Республике Беларусь, Республике Казахстан и Российской Федерации
Тараптар Комиссияға тиісті өкілеттіктер берген күннен бастап ол мынадай функцияларды жүзеге асырады:
1) бірыңғай тізбені және оны жүргізу тәртібін бекіту;
2) Кеден одағының техникалық регламенттерін әзірлеу жоспарларын (бағдарламаларын) бекіту;
3) Кеден одағының техникалық регламенттерін қабылдау, оларға өзгерістер енгізу және олардың күшін жою;
4) Кеден одағының техникалық регламенттерін әзірлеу, қабылдау, оларға өзгерістер енгізу және олардың күшін жою тәртібін белгілеу;
5) осы Келісімнің 6-бабының 2 және 3-тармақтарында көзделген халықаралық және өңірлік стандарттардың, ал олар болмаған жағдайда ұлттық (мемлекеттік) стандарттардың тізбелерін әзірлеу және бекіту тәртібін бекіту;
6) сәйкестікті бағалаудың (растаудың) үлгі схемаларын бекіту;
7) сәйкестікті бағалау (растау) туралы құжаттардың (Кеден одағының техникалық регламенттеріне сәйкестік туралы декларацияның, Кеден одағының техникалық регламенттеріне сәйкестік сертификатының) бірыңғай нысандарын бекіту;
8) Кеден одағына мүше мемлекеттер рыногындағы өнім айналымының бірыңғай белгісінің бейнесін бекіту;
9) Кеден одағына мүше мемлекеттер рыногындағы өнім айналымының бірыңғай белгісі және оны қолдану тәртібі туралы ережені бекіту;
10) Кеден одағының шеңберінде міндетті талаптар белгіленетін өнімді Кеден одағының кедендік аумағына әкелу тәртібі туралы ережені бекіту.