Осы Келісімнің мақсаты үшін мынадай негізгі ұғымдар пайдаланылады: «ішкі нарық» - табиғи монополиялар субъектілерінің қызметі айналымда болатын Тарап мемлекетінің нарығы; «табиғи монополия» - қызметтердің осы түрінің өндірілуінің және ұсынылуының технологиялық ерекшеліктеріне байланысты қызметтердің белгілі бір түріне сұранысты қанағаттандыру үшін бәсекелестік жағдай жасау мүмкін емес немесе экономикалық орынсыз болатын қызметтер нарығының жай-күйі; «тұтынушы» - табиғи монополия субъектілері көрсететін қызметтерді пайдаланушы немесе пайдалануға ниеттенуші азаматтық құқық субъектісі (жеке немесе заңды тұлға); «табиғи монополия субъектісі» - Тараптардың ұлттық заңнамасында белгіленген табиғи монополиялар салаларында қызметтер көрсететін шаруашылық субъектісі; «қызметтер көрсету» - азаматтық айналым объектісі болып табылатын қызметтерді көрсету (ұсыну), тауарларды өндіру (өткізу); «шаруашылық субъектісі» - шаруашылық қызметін өз атынан жүзеге асыратын заңды немесе жеке тұлға; «табиғи монополиялар саласы» - тұтынушы табиғи монополиялар субъектілерінің қызметтерін ала алатын табиғи монополияға заңды түрде жатқызылған қызметтердің айналым саласы; «Тараптардың ұлттық заңнамасы» - табиғи монополиялар салаларына қатысты Тараптар мемлекеттері әрқайсысының заңнамасы; «Тараптардың ұлттық органдары» - табиғи монополиялар субъектілерінің қызметін реттеуді және (немесе) бақылауды жүзеге асыратын Тарап мемлекетінің органдары; «секторалдық (салалық) келісімдер» - осы Келісімге 1-қосымшада көрсетілген табиғи монополиялар салаларына қатысты Тараптардың екіжақты халықаралық шарттарын қоса алғанда, Тараптар мемлекеттерінің халықаралық шарттары; «табиғи монополиялар субъектілерінің қызметтеріне қол жеткізу» - техникалық мүмкіндік болған кезде Тараптың бірінші мемлекетінің түтынушыларына осындай қызмет ұсынылатыннан кем болмайтын шарттармен бір Тарап мемлекетінің табиғи монополиялар субъектілерінің табиғи монополиялар субъектілеріне жататын қызметтерді екінші Тарап мемлекетінің тұтынушыларына көрсетуі.