Осы Келісім Тараптар мемлекеттері арасындағы саудаға әсер ететін және осы Келісімге 1-қосымшада аталған табиғи монополиялар салаларындағы Тараптар мемлекеттерінің табиғи монополиялар субъектілері, тұтынушылары, атқарушы билік органдары мен жергілікті өзін өзі басқару органдары қатысатын қарым-қатынастарға қатысты болады. 2. Осы Келісімді табиғи монополиялардың нақты салаларында қолдану ерекшеліктері, оның ішінде табиғи монополиялар субъектілеріне қатысты Бірыңғай экономикалық кеңістікті қалыптастыру кезеңділігі тиісті секторалдық (салалық) келісімдерде айқындалады. 3. Тараптар мемлекеттеріндегі табиғи монополиялар салаларына, сол сияқты осы Келісімге 2-қосымшада көрсетілген табиғи монополиялар салалары жатады. Осы Келісімге 2-қосымшада аталған табиғи монополиялар салаларына қатысты Тараптардың ұлттық заңнамасының талаптары қолданылады. 4. Табиғи монополиялар салаларына жатқызылатын табиғи монополиялар субъектілері қызметтерінің тізбесі Тараптардың ұлттық заңнамасында белгіленеді. 5. Тараптар оларды қысқарту және секторалдық (салалық) келісімдерде өтпелі кезеңді айқындау мүмкіндігі жолымен осы Келісімге 1 және 2-қосымшаларда көрсетілген табиғи монополиялар салаларының үйлесімділігіне ұмтылады. 6. Тараптар мемлекеттерінде табиғи монополиялар салаларын кеңейту: - егер Тарап мемлекеті екінші Тарап мемлекетінде табиғи монополия саласы болып табылатын және осы Келісімге 1 немесе 2-қосымшаларда келтірілген саланы табиғи монополиялар саласына жатқызуға ниет білдірген жағдайда, Тараптардың ұлттық заңнамасына сәйкес; - егер Тарап мемлекеті Кеден одағының комиссиясына тиісті өтініш бергеннен кейін осы Келісімге 1 және 2-қосымшаларда көрсетілмеген табиғи монополиялардың өзге саласын табиғи монополиялар саласына жатқызуға ниет білдірген жағдайда, Кеден одағы комиссиясының шешімі бойынша жүзеге асырылады. 7. Осы Келісім Тараптардың қолданыстағы екіжақты келісімдерінде реттелген қарым-қатынастарға қатысты емес. Тараптардың жаңадан жасалатын секторалдық (салалық) келісімдері осы Келісімге қайшы келе алмайды. 8. Тараптардың бәсекелестіктің бірыңғай қағидаттары мен қағидалары туралы келісімі осы Келісімде көзделген ерекшеліктер ескеріле отырып табиғи монополиялар субъектілеріне қолданылады. 9. Газды тасымалдау саласы баға белгілеу және тарифтік саясат негіздерін қоса алғанда, газды тасымалдау жүйелері бойынша газды тасымалдау саласындағы табиғи монополиялардың қызметтеріне қол жеткізу қағидалары туралы келісіммен реттеледі.