Тармақ 1. Осы Келісімді іске асыру ұлттық органдарға жүктеледі. 2. Осы Келісім күшіне енген күннен бастап 30 күннен кешіктірмей Тараптар бір-бірін және Кеден одағы комиссиясын өздерінің ұлттық органдарын тағайындау және олардың толық атауы туралы хабардар етеді. 3. Бірыңғай экономикалық кеңістікті кезеңімен қалыптастыру мақсатында Кеден одағының комиссиясы мынадай функцияларды орындайды: 1) Табиғи монополиялар салаларына қатысты Бірыңғай экономикалық кеңістікті (секторалдық (салалық) бөлікте) қалыптастырудың кезеңдік жоспарына ұсыныстар дайындайды, оның ішінде Бірыңғай экономикалық кеңістікті қалыптастырудың кезеңдік жоспарын іске асыру мониторингін жүргізу өлшемдері мен тәртібі жөнінде ұсыныстар қалыптастырады; 2) ұлттық органдардың табиғи монополиялар салаларына қатысты шешімдерін үйлестіру (әзірлеу және іске асыру) тәсілдерін талдайды және ұсынады; 3) жыл сайынғы тиісті есептер мен баяндамаларды дайындай отырып, Тараптар мемлекеттеріндегі табиғи монополиялар субъектілерінің қызметін реттеу жүйесі мен практикасына салыстырмалы талдау жүргізеді; 4) экологиялық аспектілерге, энергия тиімділігіне қатысты табиғи монополиялар салаларындағы реттеудің үйлесімділігіне жәрдемдеседі; 5) секторалдық (салалық) келісімдерде көзделген өзге де функцияларды жүзеге асырады. 4. Келісімнің осы бабында аталған, жүргізілетін жұмыстың нәтижелерін Кеден одағының комиссиясы Тараптардың ұлттық органдарымен келісім бойынша ЕурАзЭҚ Мемлекетаралық кеңесінің (Кеден одағының жоғары органы) қарауына ұсынады. 5. Табиғи монополиялар субъектілерінің қызметін реттеу саласында Тараптардың ұлттық заңнамасын үйлестіру мақсатында ЕурАЗЭҚ-тың Мемлекетаралық кеңесі (Кеден одағының жоғарғы органы) Кеден одағы комиссиясының ұсынысы бойынша осы салада жақындастырылуға жататын Тараптардың нормативтік құқықтық актілерін белгілейді және осы салада заңнаманы үйлестіру жөніндегі тиісті шараларды жүзеге асырудың дәйектілігін айқындайды. 6. Кеден одағының комиссиясына осы Келісімнің орындалуын бақылау өкілеттіктері беріледі.