«Ойын бизнесі туралы» 2007 жылғы 12 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2007 ж., № 2, 15-құжат; 2009 ж., № 9-10, 48-құжат; № 18, 84-құжат; № 19, 88-құжат; 2010 ж., № 5, 23-құжат; № 17-18, 111-құжат; № 22, 132-құжат; 2011 ж., № 1, 2-құжат):
- 1) 5-баптың 1-тармағы «бақылауды» деген сөзден кейін «Қазақстан Республикасының Президенті, Қазақстан Республикасының Үкіметі,» деген сөздермен толықтырылсын;
- 2) 7-бапта : бірінші бөлік «әзірлейді» деген сөзден кейін «, сондай-ақ өзіне Қазақстан Республикасының Конституциясымен, заңдарымен және Қазақстан Республикасы Президентінің актілерімен жүктелген өзге де функцияларды орындайды» деген сөздермен толықтырылсын; мынадай мазмұндағы екінші бөлікпен толықтырылсын: «Қазақстан Республикасының Үкіметі ойын бизнесін ұйымдастырушының біліктілік талаптарына сай болуын растайтын құжаттардың тізбесі мен нысандарын бекітеді.»;
- 3) 8-баптың 1-тармағында: 4) тармақшадағы «бекітеді» деген сөз «әзірлейді» деген сөзбен ауыстырылсын; мынадай мазмұндағы 8) тармақшамен толықтырылсын: «8) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.».