«Бухгалтерлік есеп пен қаржылық есептілік туралы» 2007 жылғы 28 ақпандағы Қазақстан Республикасының Заңына (Қазақстан Республикасы Парламентінің Жаршысы, 2007 ж., № 4, 32-құжат; 2008 ж., № 17-18, 72-құжат; № 21, 97-құжат; № 23, 114-құжат; 2009 ж., № 18, 84-құжат; 2010 ж., № 5, 23-құжат; № 15, 71-құжат; 2011 ж., № 1, 2-құжат):
- 1) 19-баптың 7-тармағындағы «құрылуы мүмкiн» деген сөздер «құрылады» деген сөзбен ауыстырылсын;
- 2) 20-бапта : 1-тармақ «реттеуді» деген сөзден кейін «Қазақстан Республикасының Президенті, Қазақстан Республикасының Үкіметі және» деген сөздермен толықтырылсын; мынадай мазмұндағы 1-1-тармақпен толықтырылсын: «1-1. Қазақстан Республикасының Үкіметі: 1) бухгалтерлік есепті жүргізу тәртібін бекітеді; 2) қаржылық есептілікті депозитарийге табыс ету тәртібін бекітеді; 3) кәсіптік ұйымдарды, сертификаттау жөніндегі ұйымдарды аккредиттеу қағидаларын бекітеді; 4) өзіне Қазақстан Республикасының Конституциясымен, заңдарымен және Қазақстан Республикасы Президентінің актілерімен жүктелген өзге де функцияларды орындайды.»; 5-тармақта: 2) тармақшадағы «айқындайды» деген сөз «әзірлейді» деген сөзбен ауыстырылсын; 11) тармақшадағы «бекітеді» деген сөз «әзірлейді» деген сөзбен ауыстырылсын; 18) тармақшадағы «белгiлейдi» деген сөз «әзірлейді» деген сөзбен ауыстырылсын; мынадай мазмұндағы 22) тармақшамен толықтырылсын: «22) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.»; 6-тармақ мынадай мазмұндағы 5) тармақшамен толықтырылсын: «5) осы Заңда, Қазақстан Республикасының өзге де заңдарында және Қазақстан Республикасы Президентінің актілерінде көзделген өзге де функцияларды жүзеге асырады.»;
- 3) 21-баптың 8-тармағының 4) тармақшасындағы «таратуға құқылы.» деген сөздер «таратуға;» деген сөзбен ауыстырылып, мынадай мазмұндағы 5) тармақшамен толықтырылсын: «5) сертификаттау жөніндегі ұйымдарды аккредиттеу жөніндегі материалдарды қарауға қатысуға құқылы.»;
- 4) 22-баптың 3-тармағының 4) тармақшасындағы «уәкiлеттi орган» деген сөздер «Қазақстан Республикасының Үкіметі» деген сөздермен ауыстырылсын.