«Мақта саласын дамыту туралы» 2007 жылғы 21 шілдедегі Қазақстан Республикасының Заңына (Қазақстан Республикасы Парламентінің Жаршысы, 2007 ж., № 16, 130-құжат; 2009 ж., № 18, 84-құжат; № 24, 129-құжат; 2010 ж., № 5, 23-құжат; № 15, 71-құжат; 2011 ж., № 1, 2-құжат):
- 1) 6-бапта : 4) тармақшада: тоғызыншы абзац алып тасталсын; мынадай мазмұндағы оныншы, он бірінші, он екінші, он үшінші және он төртінші абзацтармен толықтырылсын: «мақтаның сандық-сапалық есебін жүргізу қағидаларын; мақта тұқымының мемлекеттік ресурстарын қалыптастыру, сақтау және пайдалану қағидаларын; шитті мақтаны мақта талшығы етіп бастапқы өңдеудің технологиялық процесін ұйымдастыру қағидаларын; мақта қолхаттарын беру, олардың айналысы, оларды жою және өтеу қағидаларын; мақта өңдеу ұйымын уақытша басқаруды жүргізу қағидаларын бекіту.»; 8) тармақшадағы «жүзеге асыру жатады.» деген сөздер «жүзеге асыру;» деген сөздермен ауыстырылып, мынадай мазмұндағы 9) және 10) тармақшалармен толықтырылсын: «9) мыналарды: шитті мақтаның сапасына сараптама жүргізу және шитті мақтаның сапасы туралы куәлік беру қағидаларын; шитті мақтаның сапасы туралы куәліктің нысандарын (үлгісін); мақта талшығының сапасы паспортының нысандарын (үлгісін) бекіту; 10) өзіне Қазақстан Республикасының Конституциясымен, заңдарымен және Қазақстан Республикасы Президентінің актілерімен жүктелген өзге де функцияларды орындау жатады.»;
- 2) 7-бапта : 3) тармақша мынадай редакцияда жазылсын: «3) мақта нарығына мониторинг жүргізу қағидаларын әзірлеу;»; 6) тармақшаның бірінші абзацындағы «техникалық реттеу және метрология жөнiндегi уәкiлеттi мемлекеттiк органның келiсiмi бойынша» деген сөздер «мыналарды» деген сөзбен, төртінші абзацындағы «әзірлеп, бекіту» деген сөздер «әзірлеу» деген сөзбен ауыстырылсын; 16) тармақшадағы «белгілеу» деген сөз «әзірлеу» деген сөзбен ауыстырылсын; 18) тармақшада: сегізінші абзац алып тасталсын; мынадай мазмұндағы тоғызыншы, оныншы, он бірінші, он екінші, он үшінші және он төртінші абзацтармен толықтырылсын: «мақтаның сандық-сапалық есебін жүргізу қағидаларының; мақта тұқымының мемлекеттік ресурстарын қалыптастыру, сақтау және пайдалану қағидаларының; мақта өндеу ұйымдарына қабылдап алу кезінде шитті мақтаның сапасын сараптауды субсидиялау қағидаларының; шитті мақтаны мақта талшығы етіп бастапқы өңдеудің технологиялық процесін ұйымдастыру қағидаларының; мақта қолхаттарын беру, олардың айналысы, оларды жою және өтеу қағидаларының; мақта өңдеу ұйымын уақытша басқаруды жүргізу қағидаларының жобаларын әзірлеу;»; 21) тармақшадағы «бекіту жатады.» деген сөздер «бекіту;» деген сөзбен ауыстырылып, мынадай мазмұндағы 22) тармақшамен толықтырылсын: «22) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асыру жатады.»;
- 3) 8-баптың 8) тармақшасындағы «ұйымдастыру жатады.» деген сөздер «ұйымдастыру;» деген сөзбен ауыстырылып, мынадай мазмұндағы 9) тармақшамен толықтырылсын: «9) жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асыру жатады.»;
- 4) 9-баптың 1-тармағы «Қазақстан Республикасы заңдарының» деген сөздерден кейін «, Қазақстан Республикасы Президенті жарлықтарының» деген сөздермен толықтырылсын;
- 5) 16-баптың 2-тармағындағы «уәкiлеттi орган белгiлейдi» деген сөздер «Қазақстан Республикасының Үкіметі бекітеді» деген сөздермен ауыстырылсын.