«Ерлер мен әйелдердің тең құқықтарының және тең мүмкіндіктерінің мемлекеттік кепілдіктері туралы» 2009 жылғы 8 желтоқсандағы Қазақстан Республикасының Заңына (Қазақстан Республикасы Парламентінің Жаршысы, 2009 ж., № 24, 123-құжат):
- 1) 5-бапта : тақырыбы «органдар» деген сөзден кейін «, лауазымды адамдар» деген сөздермен толықтырылсын; бірінші бөлік мынадай редакцияда жазылсын: «Мыналар: 1) Қазақстан Республикасының Президенті; 2) Қазақстан Республикасының Үкіметі; 3) өз құзыреті шегінде орталық атқарушы органдар; 4) өз құзыреті шегінде облыстардың, республикалық маңызы бар қалалардың және астананың жергілікті атқарушы органдары ерлер мен әйелдердің тең құқықтарын және тең мүмкіндіктерін қамтамасыз ету саласындағы қызметті жүзеге асыратын органдар мен лауазымды адамдар болып табылады.»;
- 2) 6-баптың 3) тармақшасындағы «Қазақстан Республикасының» деген сөздер «өзіне Қазақстан Республикасының» деген сөздермен, «көзделген өзге де өкiлеттiктердi жүзеге асырады» деген сөздер «жүктелген өзге де функцияларды орындайды» деген сөздермен ауыстырылсын;
- 3) 7-баптың 7) тармақшасындағы «функцияларды» деген сөз «өкілеттіктерді» деген сөзбен ауыстырылсын;
- 4) 8-баптың 5) тармақшасы мынадай редакцияда жазылсын: «5) жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асырады.».