«Тұқым шаруашылығы туралы» 2003 жылғы 8 ақпандағы Қазақстан Республикасының Заңына (Қазақстан Республикасы Парламентінің Жаршысы, 2003 ж., № 3, 16-құжат; 2004 ж., № 23, 142-құжат; 2006 ж., № 1, 5-құжат; № 3, 22-құжат; № 24, 148-құжат; 2009 ж., № 18, 84-құжат; № 24, 129-құжат; 2010 ж., № 5, 23-құжат; 2011 ж., № 1, 2, 7-құжаттар):
- 1) 5-бап мынадай мазмұндағы 12), 13) және 14) тармақшалармен толықтырылсын: «12) бiрегей және элиталық тұқым, бiрiншi, екiншi және үшiншi көбейтілген тұқым өндiрушiлердi, тұқым өткізушілерді, тұқым сапасына сараптама жасау жөніндегі зертханаларды, байқаудан өткізушілер мен тұқым сарапшыларын аттестаттау тәртібін бекiтедi; 13) сорттық және тұқымдық бақылауды, жерге егiп бағалауды, зертханалық сорттық сынақтардан өткiзудi, тұқым сапасына сараптама жасауды жүзеге асыру тәртiбiн бекiтедi; 14) өзіне Қазақстан Республикасының Конституциясымен, заңдарымен және Қазақстан Республикасы Президентінің актілерімен жүктелген өзге де функцияларды орындайды.»;
- 2) 6-баптың 1-тармағында: 6) тармақшадағы «жөніндегі нормативтік актілерді бекiтедi» деген сөздер «тәртібін әзірлейді» деген сөздермен ауыстырылсын; 7-2) тармақшаның бесінші абзацындағы «тәртібін бекітеді» деген сөздер «тәртібін;» деген сөзбен ауыстырылып, мынадай мазмұндағы алтыншы абзацпен толықтырылсын: «сортты егiстердi байқаудан өткiзу тәртібін бекітеді;»; мынадай мазмұндағы 8-1) тармақшамен толықтырылсын: «8-1) сорттық және тұқымдық бақылауды, жерге егiп бағалауды, зертханалық сорттық сынақтардан өткiзудi, тұқым сапасына сараптама жасауды жүзеге асыру тәртiбiн әзірлейді;»; 9) тармақша мынадай редакцияда жазылсын: «9) сорттық және тұқымдық бақылауды жүзеге асыру, сорттық егiстердi байқаудан өткiзу, жерге егiп бағалау, зертханалық сорттық сынақтардан өткiзу, тұқым сапасына сараптама жасау тәртібінің орындалуын бақылауды жүзеге асырады;»; мынадай мазмұндағы 32) тармақшамен толықтырылсын: «32) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.»;
- 3) 6-1-бап мынадай мазмұндағы 14) тармақшамен толықтырылсын: «14) жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асырады.»;
- 4) 8-баптың 2-тармағының 2) тармақшасы «Қазақстан Республикасы заңдарының» деген сөздерден кейін «, Қазақстан Республикасы Президенті жарлықтарының» деген сөздермен толықтырылсын.