«Жарнама туралы» Қазақстан Республикасының 2003 жылғы 19 желтоқсандағы Заңына (Қазақстан Республикасы Парламентінің Жаршысы, 2003 ж., № 24, 174-құжат; 2006 ж., № 15, 92-құжат; № 16, 102-құжат; 2007 ж., № 12, 88-құжат; 2009 ж., № 17, 79, 82-құжаттар; 2010 ж., № 5, 23-құжат; № 24, 146-құжат):
- 1) 3-бап мынадай мазмұндағы 7-1) тармақшамен толықтырылсын: «7-1) маңдайша – сауда жасау (қызметтер көрсету және жұмыстарды орындау) субъектісі тауарларды сататын, қызметтер көрсететін және жұмыстарды орындайтын жерлердегі жылжымайтын объектілерде орналастырылатын, оның эмблемасын, тауарлық белгілерін, брендтерін қоса алғанда, осындай субъектінің атауы мен қызмет түрі туралы ақпарат;»;
- 2) 11-бапта : 1-тармақта: екінші бөлік мынадай редакцияда жазылсын: «1-1. Сауда, қоғамдық тамақтандыру, тұрмыстық қызмет көрсету саласының кәсіпорындары орналастыратын мынадай жарнама объектілері: маңдайша; жайма сөрелер мен терезелерді безендіру; жұмыс режимі туралы ақпарат; үй-жайлардың ішкі безендірілуі сыртқы (көрнекi) жарнама объектiлерiне жатпайды.»; үшінші бөлiктегі «Сыртқы» деген сөз «1-2. Сыртқы» деген сөздермен ауыстырылсын; 6-тармақтағы «он күннің» деген сөздер «бес жұмыс күні» деген сөздермен ауыстырылсын;
- 3) 17-2-бап мынадай редакцияда жазылсын:
- 4) Республикалық маңызы бар қаланың, астананың, аудандардың, облыстық маңызы бар қалалардың жергілікті атқарушы органдары: 1) елді мекендерде сыртқы (көрнекі) жарнама объектілерін орналастыруға рұқсат береді; 2) жеке және (немесе) заңды тұлғалардың және (немесе) олардың филиалдары мен өкілдіктерінің жарнама қызметі мәселелері бойынша өтініштерін қарайды; 3) өз құзыреті шегінде Қазақстан Республикасының жарнама туралы заңнамасының сақталуын бақылауды жүзеге асырады; 4) жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асырады. Жарнама саласындағы мемлекеттік бақылау тексеру нысанында жүзеге асырылады. Тексеру «Қазақстан Республикасындағы мемлекеттік бақылау және қадағалау туралы» Қазақстан Республикасының Заңына сәйкес жүзеге асырылады.».