Бап 22 О ратификации Соглашения о торговле услугами и инвестициях в государствах-участниках Единого экономического пространства

Тармақ 1. Төлем балансының жай-күйі нашарлаған, алтын-валюта резервтері айтарлықтай қысқарған, ұлттық валюта бағамы күрт ауытқыған немесе осындай қауіп төнген жағдайда Тарап осы Келісімнің 21-бабының 1-тармағында аталған төлемдер аударымдарына қатысты шектеулер енгізе алады.

Тармақ 2. Осы баптың 1-тармағында аталған шектеулер:

• 1) а) Тараптар арасында кемсітуді туындатпауға тиіс;
• 2) б) 1944 жылғы 22 шілдедегі Халықаралық валюта қоры Келісімінің Баптарына сәйкес болуға тиіс;
• 3) в) кез келген басқа Тараптың коммерциялық, экономикалық және қаржылық мүдделеріне шамадан тыс залал тигізбеуге тиіс;
• 4) г) осы баптың 1-тармағында аталған мән-жайларды еңсеру үшін қажетті шамадан артық ауыртпалықты болмауға тиіс;
• 5) д) уақытша болуға және осы баптың 1-тармағында аталған мән-жайлардың еңсерілу шамасына қарай біртіндеп жойылуға тиіс.

Тармақ 3. Мұндай шектеулердің қолданылу аясын айқындау кезінде Тараптар өздерінің экономикалық бағдарламалары немесе даму бағдарламалары үшін неғұрлым маңызды болып табылатын тауарларды немесе қызметтер көрсетуді жеткізуге басымдық бере алады. Алайда мұндай шектеулер экономиканың белгілі бір секторын қорғау мақсатында белгіленбейді және сақталмайды.

Тармақ 4. Осы баптың 1-тармағына сәйкес Тараптар белгілеген немесе сақтап қалған кез келген шектеулер немесе олардағы кез келген өзгерістер басқа Тарапты дереу хабардар ету нысанасы болып табылады.