Тармақ 1. Әрбір Тарап қызметтер саудасына қатысты кез келген басқа Тараптың қызметтеріне және қызметтерді жеткізушілеріне өзінің меншікті осындай қызметтеріне және қызметтерді жеткізушілеріне секторларда және осы Келісімге III қосымшада Тараптардың әрқайсысына арналған жеке ұлттық тізбеде көзделген шектеулер мен шарттарды ескере отырып, қолайлылығы осындай мән-жайларда берілетін режимнен кем болмайтын режимді ұсынады.
Тармақ 2. Әрбір Тарап осы Келісімге II қосымшада Тараптардың әрқайсысына арналған жеке ұлттық тізбеде көзделген жағдайларды қоспағанда, қызметтер саудасына қатысты кез келген басқа Тараптың қызметтеріне және қызметтерді жеткізушілеріне осындай мән-жайларда қолайлылығы осы Келісімге қатысушылар болып табылмайтын мемлекеттердің осындай қызметтеріне және қызметтерді жеткізушілеріне берілетін режимнен кем болмайтын режимді ұсынады.
Тармақ 3. Осы Келісімде ештеңе Тараптарға осы баптың 4-тармағының талаптарына сай келетін экономикалық ықпалдасу туралы келісімдер жасасуға кедергі келтірмейді. Осы Келісімге қатысушы болып табылмайтын кез келген мемлекетпен осы баптың 4-тармағында аталған экономикалық ықпалдасу туралы келісім жасасқан әрбір Тарап осындай жағдайларда өзі осындай экономикалық ықпалдасу туралы келісім шеңберінде ұсынатын жеңілдіктерді басқа Тараптарға өзара негізде ұсынады. Осы тармақта жеңілдіктер деп осы тармақта аталған Тараптың осы Келісімге ІІ - ІІІ Қосымшалардағы жеке ұлттық тізбесінде көзделген бір немесе бірнеше шектеуді оның алып тастауы, сондай-ақ осы Келісімге III Қосымшадағы оның жеке ұлттық тізбесіне енгізілмеген секторларда осы баптың 1-тармағында көзделген мән-жайларға ұқсас міндеттемелерді қабылдауы түсініледі.
Тармақ 4. Осы Келісімнің мақсаттары үшін мынадай өлшемдерге сай келетін:
Тармақ 5. Осы Келісімге қатысушы болып табылмайтын кез келген мемлекетпен осы баптың 3-тармағында аталған экономикалық ықпалдасу туралы келісім жасасқан Тарап оған қол қойылған күннен бастап бір ай ішінде басқа Тараптарға осындай келісім жасалғаны туралы ақпарат беруге міндетті.