Тармақ 1. Бәсекелестік саласындағы Кеден одағы комиссиясының актілері, іс-әрекеттері (әрекетсіздіктері) ЕурАзЭҚ Сотының статутында және Кеден одағы шеңберіндегі даулар бойынша ЕурАзЭҚ-тың Сотына жүгіну және олар бойынша сот ісін жүргізудің ерекшеліктері туралы келісімде көзделген тәртіппен дауланады.
Тармақ 2. Тараптардың уәкілетті органдарының актілері, іс-әрекеттері (әрекетсіздіктері) Тараптардың қолданыстағы іс жүргізу заңнамасына сәйкес Тараптардың сот органдарында дауланады.
Тармақ 3. Тараптардың уәкілетті органдарының шешімдерін даулау туралы өтініштер бойынша іс Кеден одағы комиссиясына ведомстволық бағыныстылығын бұзу негізі бойынша ЕурАзЭҚ-тың Сотында қаралуы тиіс.
Тармақ 4. Егер осы баптың 3-бөлігінде көрсетілген істі қарау кезінде ЕурАзЭҚ-тың Соты Тараптың уәкілетті органының Кеден одағы комиссиясына ведомстволық бағыныстылығының бұзылуын анықтаған жағдайда, ЕурАзЭҚ-тың Соты өтініште көрсетілген дәлелдерге қарамастан, даулы шешімді толық көлемде тексереді.
Тармақ 5. Егер Тараптың сотына Тараптың уәкілетті органының актісін даулау туралы өтініш келіп түссе және оны қарау кезінде мұндай актіні қабылдау Кеден одағы комиссиясының құзыретіне жататындығы анықталған жағдайда Тараптың соты іс бойынша іс жүргізуді тоқтата тұрады және іс бойынша іс жүргізуге қатысушыларды ЕурАзЭҚ-тың Сотына жібереді.
Тармақ 6. Осы баптың 1-тармағында көзделген іс-әрекеттерге (әрекетсіздіктерге) шағымдану туралы өтініш Тараптың сот органына және ЕурАзЭҚ-тың Сотына бір уақытта келіп түскен жағдайда Тараптың соты келіп түскен өтінішті қарамайды.