Тармақ 1. Тараптың осы Келісімнің 17-бабының 1 және 2-тармақтарында көзделген мемлекеттік бағаны реттеуді енгізу туралы шешімі Тараптың біреуінің шағымы бойынша Кеден одағы комиссиясының шешімімен күші жойылуы мүмкін.
Тармақ 3. Кеден одағы комиссиясына Тараптың өтініші келіп түскен күннен бастап 2 айдан аспайтын мерзімде Кеден одағы комиссиясы мемлекеттік бағаны реттеуді енгізу фактісі бойынша шешім қабылдайды.
Тармақ 4. Кеден одағы комиссиясы мемлекеттік бағаны реттеуді енгізу фактілері бойынша Тараптардың өтініштерді беру және оларды қарау тәртібін айқындауға құқылы.
Тармақ 5. Егер Тарап Кеден одағы комиссиясының шешімімен келіспейтін болса, мәселе Еуразиялық экономикалық қоғамдастықтың Мемлекетаралық Кеңесінің (Кеден одағының Жоғары органы) қарауына шығарылады. Бұл жағдайда мемлекеттік бағаны реттеуді енгізу фактісі бойынша қабылдаған Кеден одағы комиссиясының шешімі Еуразиялық экономикалық қоғамдастықтың Мемлекетаралық Кеңесі (Кеден одағының Жоғары органы) қарағанға дейін орындалуға жатпайды.