Бап 21 — О ратификации Соглашения о единых принципах и правилах конкуренции

Тармақ 2. Жекелеген іс жүргізу іс-әрекеттерін жүргізу туралы ақпарат пен құжаттар, тапсырмалар беру туралы сұрау салу Тараптың уәкілетті органының бланкісінде жазбаша нысанда ресімделеді және мыналарды қамтуы тиіс:

1) ол бойынша ақпарат сұратылатын тиісті істің нөмірін (бар болған жағдайда), құқық бұзушылықтың және өзге де оған қатысты фактілердің егжей-тегжейлі сипатталуын, қолданылатын заң мәтінін қоса бере отырып, сұратқан Тараптың заңнамасына сәйкес әрекетті заңгерлік саралауды;
2) оларға қатысты тиісті істер қаралатын тұлғалардың, куәлардың тегі, аты және әкесінің аты, олардың тұратын жері немесе орналасқан жері, азаматтығы, айналысатын ісі, туған жері және күні, заңды тұлғалар үшін - олардың атауы және орналасқан жері (егер санамаланған мәліметтер туралы ақпарат бар болған жағдайда);
3) құжатты табыс ету туралы тапсырмада - алушының нақты мекен жайы және табыс етілетін құжаттың атауы;
4) ұсынылуы немесе орындалуы тиіс мәліметтердің және іс-әрекеттердің тізбесі (сауалнама жүргізу үшін қандай мән-жайлар анықталуы және нақтылануы тиіс екені көрсетілуі, сондай-ақ сұрау қойылатын тұлғаға қойылатын сұрақтардың реттілігі және тұжырымдамасы көрсетілуі тиіс).

Тармақ 3. Жекелеген іс жүргізу іс-әрекеттерін жүргізу туралы ақпарат пен құжаттар, тапсырмалар беру туралы сұрау салуда мыналар қамтылуы тиіс:

1) талап етілетін іс-шаралардың орындалу мерзімін көрсету;
2) сұрау салуда көрсетілген іс-шараларды белгілі бір тәртіппен өткізу туралы өтінішхат;
3) сұрау салуда көрсетілген іс-шараларды орындау кезінде сұрау салатын Тараптың уәкілетті органдары өкілдеріне қатысу мүмкіндігін беру туралы өтінішхат, сондай-ақ егер бұл әрбір Тараптың заңнамасына қайшы келмейтін болса, оларды орындауға қатысу;
4) сұрау салуды, тапсырманы орындаумен байланысты өзге де өтінішхаттар қамтылуы тиіс.

Тармақ 4. Жекелеген іс жүргізу іс-әрекеттерін жүргізу туралы ақпарат және құжаттар, тапсырмалар беру туралы сұрау салуға сұратқан Тараптың уәкілетті органының басшысы немесе оның орынбасары қол қояды. Сұрау салуға немесе тапсырмаға сұрау салу немесе тапсырма мәтінінде сілтемесі бар құжаттардың қолда бар көшірмелері, сондай-ақ оларды тиісінше орындау үшін қажетті өзге де құжаттар қоса берілуі тиіс.

Тармақ 5. Оларды орындау орындаушы Тарап үшін қосымша шығыстарды талап ететін сараптамалар және өзге іс жүргізу іс-әрекеттерін жүргізу туралы тапсырмалар Тараптардың уәкілетті органдарының арасындағы алдын ала келісім бойынша жіберіледі.

Тармақ 6. Тараптардың уәкілетті органдары іс жүргізу құжаттарын басқа Тараптың аумағында болатын тиісті істерге қатысушыларға почта арқылы тікелей жібере алады.

Тармақ 7. Жекелеген іс жүргізу іс-әрекеттерін жүргізу туралы ақпарат пен құжаттар, тапсырмалар беру туралы қайта сұрау салуды жіберуге, қосымша мәлімет алу немесе бұрынғы сұрауды немесе тапсырманы орындау шеңберінде алынған ақпаратты нақтылау қажет болған жағдайда, жол беріледі.

Бап 21 О ратификации Соглашения о единых принципах и правилах конкуренции