Бап 26 О ратификации Соглашения о единых принципах и правилах конкуренции

Тармақ 1. Өзара байланысты мәмілелерге (жасалатын іс-әрекеттерге) қатысты құқық қолдану іс-әрекеттерін жүзеге асыруда өзара мүдделілік болған жағдайда Тараптардың уәкілетті органдары құқық қолдану іс-әрекеттерін жүзеге асыру кезінде өзара іс-қимыл туралы уағдаласуы мүмкін. Құқық қолдану іс-әрекеттерін жүзеге асыру кезіндегі өзара іс-қимыл туралы мәселені шешкен кезде Тараптардың уәкілетті органдары мынадай факторларды:

• 1) құқық қолдану қызметіне бағытталған материалдық және ақпараттық ресурстарды неғұрлым тиімді пайдалану және (немесе) тараптардың құқық қолдану қызметін жүзеге асыру барысындағы шығындарын азайту мүмкіндігін;
• 2) Тараптардың құқық қолдану қызметін жүзеге асыру үшін қажетті ақпаратты алуға қатысты мүмкіндіктерін;
• 3) осындай өзара іс-қимылдың болжамды нәтижесі - өзара іс-қимыл жасаушы Тараптардың құқық қолдану қызметінің мақсатына қол жеткізу жөніндегі мүмкіндіктерін арттыруды назарға алады.

Тармақ 2. Басқа Тарапқа тиісінше хабарлаған кезде кез келген Тарап осы Келісімнің шеңберінде өзара іс-қимылды шектеуі немесе тоқтатуы және өзінің заңнамасына сәйкес бір-бірінен тәуелсіз құқық қолдану іс-әрекеттерін жүзеге асыруы мүмкін.