Тексерістерді, оның ішінде қайта тексерістерді, Кеден одағының комиссиясы тиісті шешім қабылдағанға дейін 2008 жылғы 25 қаңтардағы Үшінші елдерге қатысты арнайы қорғау, демпингке қарсы және өтемақы шараларын қолдану туралы Келісімнің ережелеріне сәйкес, оның ішінде өз бастамалары бойынша Кеден одағына мүше мемлекеттердің уәкілетті органдары жүргізеді. Бұл ретте мұндай тексерістер жүргізу туралы өтініштер, Келісімнің осы бабында көрсетілген ережелерге сәйкес Кеден одағына мүше мемлекеттер экономикасы саласының атынан Кеден одағына мүше мемлекеттердің уәкілетті органдарына ұсынылады.