2009 жылғы 18 қыркүйектегі «Халық денсаулығы және денсаулық сақтау жүйесі туралы» Қазақстан Республикасының Кодексіне (Қазақстан Республикасы Парламентінің Жаршысы, 2009 ж., № 20-21, 89-құжат; 2010 ж., № 5, 23-құжат; № 7, 32-құжат; № 15, 71-құжат; № 24, 149, 152-құжаттар; 2011 ж., № 1, 2, 3-құжаттар; № 2, 21-құжат):
- 1) 6-баптың 5) тармақшасындағы «қызметтің біліктілік талаптары мен оны лицензиялау тәртібін» деген сөздер «қызметке қойылатын біліктілік талаптарын» деген сөздермен ауыстырылсын;
- 2) 7-баптың 1-тармағының 49) тармақшасындағы «қағидаларының» деген сөз «Қазақстан Республикасының лицензиялау туралы заңнамасының» деген сөздермен ауыстырылсын;
- 3) 18-бапта : 1-тармақтағы «Медициналық қызметтер көрсетудi, профилактиканың, диагностиканың, емдеу мен медициналық оңалтудың әдiстерi мен құралдарын (бұдан әрi - көрсетiлетiн қызметтер), дәрiлiк», деген сөздер «Дәрілік» деген сөзбен ауыстырылып, «, тағамға биологиялық активтi қоспаларды» деген сөздер алып тасталсын; 2-тармақтағы «Көрсетiлетiн қызметтердiң,» деген сөздер «Медициналық қызметтер көрсетудiң, профилактиканың, диагностиканың, емдеу мен медициналық оңалтудың әдiстерi мен құралдарының (бұдан әрi - көрсетiлетiн қызметтердің)» деген сөздермен ауыстырылсын; 3-тармақта: 7) тармақшадағы «көрсетiлетін қызметтерді,», «, тағамға биологиялық активтi қоспаларды» деген сөздер алып тасталсын; мынадай мазмұндағы 7-1) тармақшамен толықтырылсын: «7-1) тиісті қызмет түрін жүзеге асыруға арналған лицензия болмаған кезде көрсетілетін қызметтерді жарнамалауға;»; 4-тармақтағы «Көрсетiлетін қызметтердің, дәрілік», деген сөздер «Дәрілік» деген сөзбен ауыстырылып, «, тағамға биологиялық активтi қоспалардың» деген сөздер алып тасталсын;
- 4) 21-баптың 7-тармағының 16) тармақшасы, 62-баптың 10-тармағы және 90-баптың 4-тармағының 11) тармақшасы алып тасталсын.