«Ветеринария туралы» 2002 жылғы 10 шiлдедегi Қазақстан Республикасының Заңына (Қазақстан Республикасы Парламентiнiң Жаршысы, 2002 ж., № 15, 148-құжат; 2004 ж., № 23, 142-құжат; 2005 ж., № 7-8, 23-құжат; 2006 ж., № 1, 5-құжат; № 3, 22-құжат; № 24, 148-құжат; 2007 ж., № 2, 18-құжат; № 20, 152-құжат; 2008 ж., № 24, 129-құжат; 2009 ж., № 18, 84, 86-құжаттар; 2010 ж., № 1-2, 1-құжат; № 15, 71-құжат; 2011 ж., № 1, 2, 3, 7-құжаттар; № 6, 49-құжат):
- 1) 5-баптың 11) тармақшасындағы «қызметті лицензиялаудың біліктілік талаптары мен ережелерін бекіту» деген сөздер «қызметке қойылатын біліктілік талаптарын бекіту» деген сөздермен және 8-баптың 10) тармақшасындағы «қызметті лицензиялаудың біліктілік талаптары мен ережелерінің» деген сөздер «қызметке қойылатын біліктілік талаптарының» деген сөздермен ауыстырылсын;
- 2) 10-1-баптың 13) тармақшасы мынадай редакцияда жазылсын: «13) ветеринариялық анықтаманы беру;»;
- 3) 13-бап мынадай мазмұндағы 1-1-тармақпен толықтырылсын: «1-1. Жеке және заңды тұлғалардың ветеринария саласындағы жүзеге асыратын кәсіпкерлік қызметінің түрлеріне: 1) ветеринариялық емдеу-профилактикалық қызметі; 2) ветеринариялық мақсаттарға арналған дәрiлiк заттарды, биологиялық препараттарды, ветеринариялық және зоогигиеналық мақсаттағы бұйымдар мен атрибуттарды өткiзу; 3) дезинфекция, дезинсекция, дератизация, дегельминтизация жүргізу; 4) ветеринариялық мақсаттағы препараттарды өндiру мен өткiзу; 5) жануарлардан алынатын өнімдер мен шикізаттарға ветеринариялық-санитариялық сараптама жасау; 6) Қазақстан Республикасының заңнамасымен тыйым салынбаған ветеринария саласындағы өзге де қызмет түрлері кіреді.».