Бап 43 — О внесении изменений и дополнений в некоторые законодательные акты РК по вопросам совершенствования разрешительной системы

Тармақ 1. Лицензия және (немесе) лицензияға қосымша жоғалған, бүлiнген жағдайда лицензиат лицензияның және (немесе) лицензияға қосымшаның телнұсқаларын алуға құқығы бар. Лицензияның және (немесе) лицензияға қосымшаның жоғалған, бүлiнген бланкiлерi лицензиаттың лицензиарға жазбаша өтiнiш берген күнінен бастап жарамсыз деп есептеледi. Лицензиар өтiнiш берiлген күннен бастап екі жұмыс күнi iшiнде жаңа нөмiр бере отырып және жоғарғы оң жақ бұрышында "Телнұсқа" деген жазуы бар лицензияның және (немесе) лицензияға қосымшаның телнұсқаларын бередi. 2. Лицензия және (немесе) лицензияға қосымша мынадай жағдайларда: 1) жеке тұлғаның тегі, аты, әкесінің аты өзгергенде; 2) дара кәсіпкерді қайта тіркеген, оның атауы мен мекен-жайы өзгерген кезде; 3) заңды тұлғаны бірігу, қосылу, бөлініп шығу немесе қайта құру нысанында қайта ұйымдастырған кезде; 4) заңды тұлғаның атауы және (немесе) заңды мекен-жайы өзгерген кезде қайта ресімдеуге жатады. Қызмет түрінің және (немесе) кіші түрінің атауы өзгерген жағдайда, лицензиаттың, осы тармақта белгіленген тәртіппен лицензияны қайта ресімдеу туралы өтініш беруге құқығы бар. Лицензиат қайта ресімдеу туралы өтінішті лицензияларды қайта ресімдеу кезінде қызметтің жекелеген түрлерімен айналысу құқығы үшін бюджетке лицензиялық алым төлегенін растайтын құжаттарды және лицензия мен лицензияға қосымшаның (болған жағдайда) көшірмелерін күнтізбелік отыз күн ішінде береді. Өтінішке осы тармақта көрсетілген құжаттарды қоса ұсынбаған жағдайда лицензиар лицензияны және (немесе) лицензияға қосымшаны қайта ресімдеуден бас тартады. Қызметтiң лицензияланатын түрiнен бiр немесе одан көп банк операциялары, сақтандыру қызметiндегi бiр немесе одан да көп сынып алып тасталған жағдайда, лицензиат күнтiзбелiк отыз күн iшiнде лицензиясымен қоса, лицензияны қайта ресiмдеу туралы өтiнiш беруге мiндеттi. Қызмет түрінің атауы өзгерген жағдайда, егер мұндай өзгеріс қызметтің лицензияланатын түрі мәнінің өзгеруіне әкеп соқпаса, қаржы саласындағы қызметті және қаржы ресурстарын шоғырландыруға байланысты қызметті жүзеге асыратын жеке немесе заңды тұлға отыз күнтізбелік күн ішінде лицензияларды және лицензияның көшірмесін қайта ресімдеу кезінде қызметтің жекелеген түрлерімен айналысу құқығы үшін бюджетке лицензиялық алымды төлегенін растайтын құжаттарға қоса, лицензияны қайта ресімдеу туралы өтініш беруге міндетті. 3. Лицензиат тиісті жазбаша өтініш берген күннен бастап он жұмыс күні ішінде лицензиар лицензияны және лицензияға қосымшаны (болған жағдайда) қайта ресімдейді. Лицензиат қайта ресімделген лицензияны алған кезде бұрын берілген лицензия мен лицензияға қосымшаны (болған жағдайда) лицензиарға қайтаруға міндетті.»;

25) 6-тарау мынадай мазмұндағы 49-1-баппен толықтырылсын:

Тармақ 1. Лицензиялық бақылау тексеру нысанында және өзге де нысандарда жүзеге асырылады. 2. Тексеру «Қазақстан Республикасындағы мемлекеттік бақылау және қадағалау туралы» Қазақстан Республикасының Заңына сәйкес жүзеге асырылады. Мемлекеттік бақылаудың өзге нысандары Қазақстан Республикасының заңдарына сәйкес жүзеге асырылады.»;

26) 50-баптағы «азаматтық» деген сөз алып тасталсын.

Тармақ 49. «Мақта саласын дамыту туралы» 2007 жылғы 21 шілдедегі Қазақстан Республикасының Заңына (Қазақстан Республикасы Парламентінің Жаршысы, 2007 ж., № 16, 130-құжат; 2009 ж., № 18, 84-құжат; № 24, 129-құжат; 2010 ж., № 5, 23-құжат; № 15, 71-құжат; 2011 ж., № 1, 2-құжат):

1) 1-бап мынадай редакцияда жазылсын:
2) Осы Заңда мынадай негiзгi ұғымдар пайдаланылады: 1) кепiл куәлiгiн ұстаушы - кепiл куәлiгiмен куәландырылған мiндеттемеде мақтаны кепiлге ұстаушы болып табылатын жеке немесе заңды тұлға; 2) қойма куәлiгiн ұстаушы - кепiлмен ауыртпалық жасалған мақта иесi; қойма куәлiгiмен индоссамент жасалған жағдайларда - индоссат; 3) линт - мақта талшығын мақта тұқымынан ажыратқаннан кейiн қалған тұқымның талшықты қабығы; 4) мақта - шиттi мақта, мақта талшығы, мақта тұқымы; 5) мақта иесi - меншiк құқығында шиттi мақта және (немесе) мақта талшығы және (немесе) мақта тұқымы бар жеке немесе заңды тұлға; 6) мақта қабылдау пунктi - шиттi мақтаны қабылдауға, сақтауға және беруге арналған арнаулы ғимарат; 7) мақта қолхаттары бойынша мiндеттемелердiң орындалуына кепiлдiк беру қоры - мақта өңдеу ұйымдарының өздерi берген мақта қолхаттары бойынша мiндеттемелерiн орындамауынан мақта қолхаттарын ұстаушылардың құқықтары мен заңды мүдделерiн қорғауды қамтамасыз ету мақсатында өз қызметiн жүзеге асыратын заңды тұлға; 8) мақта қолхаттарын беру арқылы қойма қызметі бойынша қызметтер көрсету жөніндегі қызмет – шитті мақтаны сақтау; мақта талшығы мен мақта тұқымын сақтау, беру және шитті мақтаны мақта талшығы етіп бастапқы өңдеу жөніндегі мақта өңдеу ұйымдары жүзеге асыратын қызмет; 9) мақта қолхаты - шиттi мақтаны сақтауға және (немесе) бастапқы өңдеуге; мақта талшығын және мақта тұқымын сақтауға қабылдап алғанын растау үшiн мақта өңдеу ұйымы беретiн қосарлы қойма куәлiгi; 10) мақта қолхатын ұстаушы - мақта өңдеу ұйымына шиттi мақтаны сақтауға және (немесе) бастапқы өңдеуге; мақта талшығын және мақта тұқымын сақтауға өткiзген мақта иесi; мақта қолхатында индоссамент жасалған жағдайларда - индоссат; 11) мақта нарығына қатысушылар - шиттi мақтаны өндiруге, оны мақта талшығы етiп бастапқы өңдеуге және мақтаны сатуға қатысатын жеке және заңды тұлғалар; 12) мақта нарығының мониторингi - мақта нарығына қатысушылар жүзеге асыратын мақтаны өндiрудi, өңдеудi, сақтауды және өткiзудi қоса алғанда, мақта нарығы деректерiн жинауға, пысықтауға және талдауға бағытталған iс-шаралар жиынтығы; 13) мақтаның сапасы - стандарттау жөнiндегi нормативтiк құжаттардың талаптарына сәйкестiгiн айқындайтын мақтаның тұтыну қасиеттерiнiң жиынтығы; 14) мақта өңдеу ұйымы - меншiк құқығында мақта тазалау зауыты бар, мақта қолхаттарын беру арқылы қойма қызметі жөнiнде қызметтер көрсететiн заңды тұлға; 15) мақта саласын дамыту жүйесiндегi уәкiлеттi орган (бұдан әрi - уәкiлеттi орган) - Қазақстан Республикасының Үкiметi айқындайтын, мақта саласындағы мемлекеттiк реттеудi жүзеге асыратын орталық атқарушы орган; 16) мақта тазалау зауыты - шиттi мақтаны мақта талшығы етiп бастапқы өңдеуге арналған арнаулы ғимарат; 17) мақта талшығы - шиттi мақтаны бастапқы өңдеу кезiнде алынатын негiзгi өнiм; 18) мақта талшығы бумасы - стандарттау жөнiндегi техникалық регламенттер мен нормативтiк құжаттардың талаптарын сақтай отырып, шиттi мақтаны мақта талшығы етiп бастапқы өңдеу нәтижесiнде алынған мақта талшығының ерекше әдiспен нығыздалған белгiлi бiр көлемi; 19) мақта талшығының сапасына сараптама жасау - сынаманы iрiктеу мен сынақтан өткiзудi, мақта талшығының сапа паспортын ресiмдеудi қамтитын мақта талшығы сапасының нақты көрсеткiштерiн анықтау мен растауға бағытталған шаралар кешенi; 20) мақта талшығы сапасының паспорты - мақта талшығы сапасының нақты көрсеткiштерiн және олардың стандарттау жөнiндегi нормативтiк құжаттар және (немесе) келiсiмшарттар талаптарына сәйкестiгiн куәландыратын құжат; 21) мақта тұқымы - шиттi мақтаны бастапқы өңдеу кезiнде алынған мақта ұрығы; 22) мақта шаруашылығы - өсiмдiк шаруашылығының мақта өндiру жөнiндегi саласы; 23) мамандандырылған ауыспалы мақта егiсi - бiр ауыл шаруашылығы тауарын өндiрушiнiң жер пайдалану аумағындағы егiстiк жердiң құрылымында мақтаның үлесi жетпiс пайыздан аспайтын жағдайда, өсiмдiктер аурулары мен зиянкестердiң жиналуына кедергi болатын, топырақ құнарлылығын сақтау мен арттыруға, шиттi мақтаның өнiмдiлiгi мен сапасын арттыруға әсер ететiн, мақтаның басқа ауыл шаруашылығы дақылдарымен ғылыми негiзделген кезектестiрiлiп егiлуi; 24) өңдеу шарты - шиттi мақтаны мақта талшығы етiп бастапқы өңдеу жөніндегі жария шарты; 25) сақтау шарты - шиттi мақтаны сақтаудың жария шарты; 26) сарапшы ұйым - Қазақстан Республикасының заңнамасында белгiленген талаптарға сәйкес мақта талшығы сапасына сараптама жасауды және мақта талшығы сапасының паспортын берудi жүзеге асыратын заңды тұлға; 27) шиттi мақта - тұқымынан ажыратылмаған талшық; 28) шитті мақтаны мақта талшығы етіп бастапқы өңдеу – шитті мақтаны мақта талшығы, тұқым, линт, талшықты қалдықтар (құрамдарында үлік бар және мамық бар) етіп тазалау жөніндегі технологиялық операциялар кешені; 29) шиттi мақтаның сапасына сараптама жасау - сынаманы iрiктеу мен сынақтан өткiзудi, шиттi мақтаның сапасы туралы куәлiктi ресiмдеудi қамтитын шиттi мақта сапасының нақты көрсеткiштерiн анықтау мен растауға бағытталған шаралар кешенi; 30) шиттi мақтаны өңдеудiң жанама өнiмдерi - тұқым, линт, талшықты қалдықтар (құрамында үлiк және мамық бар); 31) шиттi мақтаны сақтау - шиттi мақтаны қабылдау, сақтау және беру жөнiндегi технологиялық операциялар кешенi; 32) шиттi мақта өндiрiсi - шиттi мақта өсiруге бағытталған агротехнологиялық iс-шаралар кешенi.»;
2) 4-баптың 4) тармақшасы мынадай редакцияда жазылсын: «4) мақта қолхаттарын беру арқылы қойма қызметі бойынша қызметтер көрсету жөніндегі қызметті лицензиялау және мақта өңдеу ұйымдарының қызметін мемлекеттік бақылау;»;
3) 6-бапта : 2) тармақша мынадай редакцияда жазылсын: «2) мақта қолхаттарын беру арқылы қойма қызметі бойынша қызметтер көрсету жөніндегі қызметке қойылатын біліктілік талаптарын бекіту;»; 4) тармақшаның екінші абзацы алып тасталсын;
4) 7-бапта : 5) тармақшаның екінші абзацы мынадай редакцияда жазылсын: «мақта қолхаттарын беру арқылы қойма қызметі бойынша қызметтер көрсету жөніндегі қызмет;»; 16) тармақшадағы «шитті мақтаны мақта талшығы етіп бастапқы өңдеу» деген сөздер «мақта қолхаттарын беру арқылы қойма қызметі бойынша қызметтер көрсету» деген сөздермен ауыстырылсын; 18) тармақшаның екінші абзацы алып тасталсын;
5) 8-бапта : 2) тармақша мынадай редакцияда жазылсын: «2) мақта қолхаттарын беру арқылы қойма қызметі бойынша қызметтер көрсету жөніндегі қызметті лицензиялау;»; 5) тармақшада: екінші абзацтағы «белгіленген тәртіппен бекітілген шитті мақтаны мақта талшығы етіп бастапқы өңдеу жөніндегі қызметті лицензиялау ережелеріне сәйкес» деген сөздер алып тасталсын; үшінші абзац мынадай редакцияда жазылсын: «мақта өңдеу ұйымдарын тексеру актілерін ресімдеуді;»; 7) тармақша мынадай редакцияда жазылсын: «7) мақта қолхаттарын беру арқылы қойма қызметі бойынша қызметтер көрсету жөніндегі қызметті жүзеге асыру құқығына арналған лицензияның қолданысын тұтастай немесе жекелеген операцияларды жүзеге асыру бөлігінде Қазақстан Республикасының әкімшілік құқық бұзушылық туралы заңнамасында көзделген тәртіппен тоқтата тұру, сондай-ақ мақта қолхаттарын беру арқылы қойма қызметі бойынша қызметтер көрсету жөніндегі қызметті жүзеге асыру құқығына арналған лицензиядан айыру туралы сотқа талап-арыз беру;»;
6) 4-тараудың тақырыбы мынадай редакцияда жазылсын: «4-тарау. Мақта өндірумен айналысатын ауылшаруашылығы тауар өндірушілерінің, мақта өңдеу ұйымдары мен сервистік-дайындау орталықтарының қызметі»;
7) 13-бапта : 1-тармақ мынадай редакцияда жазылсын: «1. Мақта өңдеу ұйымы лицензияның негізінде мақта қолхаттарын беру арқылы қойма қызметі бойынша қызметтерді көрсетеді. Мақта қолхаттарын беру арқылы қойма қызметі бойынша қызметтер көрсету жөніндегі қызметті жүзеге асыру құқығына лицензиясы жоқ заңды тұлғаның өз атауында, тауар таңбаларында, құжаттарында, хабарландырулар мен жарнамасында «мақта өңдеу ұйымы», «мақта тазалау зауыты», «мақта қабылдау пункті» деген сөздерді немесе одан туындайтын сөздерді пайдалануға құқығы жоқ.»; 4-тармақтың 1) тармақшасындағы «шитті мақтаны талшықты мақта етіп сапалы бастапқы өңдеуді» деген сөздер «мақта қолхаттарын беру арқылы қойма қызметі бойынша қызметтер көрсету жөніндегі қызметті» деген сөздермен ауыстырылсын;
8) 15-бапта : 1-тармақта: бірінші бөліктің үшінші абзацындағы «шитті мақтаны мақта талшығы етіп бастапқы өңдеуге» деген сөздер «мақта қолхаттарын беру арқылы қойма қызметі бойынша қызметтер көрсету жөніндегі қызметтерге» деген сөздермен ауыстырылсын; екінші бөлік мынадай редакцияда жазылсын: «Мақта өңдеу ұйымдары мақта қолхаттарын беру арқылы қойма қызметі бойынша қызметтер көрсету жөніндегі қызмет және мақта қолхаттарын беру арқылы қойма қызметіне байланысты емес қызмет операцияларының есебін жеке-жеке жүргізуді қамтамасыз етуге міндетті.»; 2-тармақтағы «шитті мақтаны мақта талшығы етіп бастапқы өңдеу жөніндегі қызметті» деген сөздер «мақта қолхаттарын беру арқылы қойма қызметі бойынша қызметтер көрсету жөніндегі қызметті» деген сөздермен ауыстырылсын;
9) 16-баптың 2-тармағындағы «шитті мақтаны мақта талшығы етіп бастапқы өңдеу,» деген сөздер «мақта қолхаттарын беру арқылы қойма қызметі бойынша қызметтер көрсету,» деген сөздермен ауыстырылсын;
10) 19-баптың 1-тармағы 2) тармақшасындағы «шитті мақтаны мақта талшығы етіп бастапқы өңдеу жөніндегі қызметін» деген сөздер «мақта қолхаттарын беру арқылы қойма қызметі бойынша қызметтер көрсету жөніндегі қызметті» деген сөздермен ауыстырылсын;
11) 26-баптың 2-тармағындағы «шитті мақтаны мақта талшығы етіп бастапқы өңдеу» деген сөздер «мақта қолхаттарын беру арқылы қойма қызметі» деген сөздермен ауыстырылсын;
12) 29-баптың 1-тармағының 3) тармақшасындағы, 30-баптың бірінші бөлігінің 3) тармақшасындағы «шитті мақтаны мақта талшығы етіп бастапқы өңдеу» деген сөздер «мақта қолхаттарын беру арқылы қойма қызметі бойынша қызметтер көрсету» деген сөздермен, 31-баптың тақырыбындағы және мәтініндегі «Шитті мақтаны мақта талшығы етіп бастапқы өңдеу» деген сөздер - «Мақта қолхаттарын беру арқылы қойма қызметі бойынша қызметтер көрсету» деген сөздермен, 36-баптың 4-тармағындағы және 38-баптың 4-тармақшасындағы «шитті мақтаны мақта талшығы етіп бастапқы өңдеу» деген сөздер «мақта қолхаттарын беру арқылы қойма қызметі бойынша қызметтер көрсету» деген сөздермен ауыстырылсын.

Тармақ 50. «Тамақ өнімдерінің қауіпсіздігі туралы» 2007 жылғы 21 шілдедегі Қазақстан Республикасының Заңына (Қазақстан Республикасы Парламентінің Жаршысы, 2007 ж., № 17, 133-құжат; 2009 ж., № 18, 86-құжат; 2011 ж., № 1, 2, 7-құжаттар):

1) 1-баптың 39) тармақшасындағы «ветеринарлық куәлiк,» деген сөздер алып тасталсын;
2) 6-баптың 1-тармағының үшінші абзацы және 7-баптың 2) тармақшасы алып тасталсын;
3) 18-баптың 3-тармағындағы «Қазақстан Республикасының заңнамасында белгіленген тәртіппен ресімделген санитарлық паспорты бар,» деген сөздер алып тасталсын.

Тармақ 51. «Ойыншықтардың қауіпсіздігі туралы» 2007 жылғы 21 шілдедегі Қазақстан Республикасының Заңына (Қазақстан Республикасы Парламентінің Жаршысы, 2007 ж., № 17, 138-құжат; 2009 ж., № 18, 84-құжат; 2011 ж., № 1, 2-құжат):

1) 1-баптың 7) тармақшасы алып тасталсын;
2) 7-баптың 6-тармағының 5) тармақшасындағы «тоқтатуға;» деген сөз «тоқтатуға міндетті.» деген сөздермен ауыстырылып, 6) тармақшасы және 8-тармағы алып тасталсын.

Тармақ 52. «Білім туралы» 2007 жылғы 27 шілдедегі Қазақстан Республикасының Заңына (Қазақстан Республикасы Парламентінің Жаршысы, 2007 ж., № 20, 151-құжат; 2008 ж., № 23, 124-құжат; 2009 ж., № 18, 84-құжат; 2010 ж., № 5, 23-құжат; № 24, 149-құжат; 2011 ж., № 1, 2-құжат; № 2, 21-құжат; № 5, 43-құжат):

1) 4-баптың 8) тармақшасы мынадай редакцияда жазылсын: «8) білім беру қызметіне қойылатын біліктілік талаптарын бекітеді;»;
2) 5-баптың 8) тармақшасының төртінші абзацындағы «рухани», «(діни оқу орындары)» деген сөздер тиісінше «діни», «(діни оқу орындары) береді.» деген сөздермен ауыстырылып, бесінші абзац алып тасталсын;
3) 6-бапта : 2-тармақта: 7) тармақша мынадай редакцияда жазылсын: «7) техникалық және кәсіптік, орта білімнен кейінгі білім берудің кәсіптік бағдарламаларын іске асыратын заңды тұлғалардың, сондай-ақ мамандандырылған және арнаулы білім беру бағдарламаларын іске асыратын жалпы білім беретін мектептердің білім беру қызметін лицензиялауды жүзеге асырады;»; мынадай мазмұндағы 7-1) және 7-2) тармақшалармен толықтырылсын: «7-1) техникалық және кәсіптік, орта білімнен кейінгі білім берудің кәсіптік бағдарламаларын, сондай-ақ балалар мен жасөспірімдерге арналған спорт бойынша мамандандырылған және арнаулы жалпы білім беру бағдарламаларын және қосымша білім беру бағдарламаларын іске асыратын заңды тұлғаларды мемлекеттік аттестаттаудан өткізеді; 7-2) білім беру қызметін (лицензиялауды талап етпейтін білім беру қызметінің кіші түрлері үшін) жүзеге асыратын заңды тұлғалардың есебін жүргізеді;»; 3-тармақта: 6) тармақша мынадай редакцияда жазылсын: «6) бастауыш, негізгі орта және жалпы орта, техникалық және кәсіптік, орта білімнен кейінгі білім берудің жалпы білім беру бағдарламаларын іске асыратын заңды тұлғалардың білім беру қызметін лицензиялауды жүзеге асырады;»; мынадай мазмұндағы 6-1) және 6-2) тармақшалармен толықтырылсын: «6-1) бастауыш, негізгі орта және жалпы орта, техникалық және кәсіптік, орта білімнен кейінгі білім берудің, балаларға қосымша білім берудің жалпы білім бағдарламаларын іске асыратын заңды тұлғаларды, сондай-ақ арнаулы және мамандандырылған жалпы білім беру бағдарламаларын іске асыратын білім беру ұйымдарын мемлекеттік аттестаттаудан өткізеді; 6-2) білім беру қызметін (лицензиялауды талап етпейтін білім беру қызметінің кіші түрлері үшін) жүзеге асыратын заңды тұлғалардың есебін жүргізеді;»; 4-тармақта: 6) тармақша мынадай редакцияда жазылсын: «6) бастауыш, негізгі орта және жалпы орта білім берудің жалпы білім беру бағдарламаларын іске асыратын заңды тұлғаларды (арнаулы және мамандандырылған жалпы білім беру бағдарламаларын іске асыратын жалпы білім беретін мектептерді қоспағанда) лицензиялауды жүзеге асырады;»; мынадай мазмұндағы 6-1) және 6-2) тармақшалармен толықтырылсын: «6-1) мектепке дейінгі тәрбие мен оқытуды, бастауыш, негізгі орта және жалпы орта білім берудің (арнайы және мамандандырылған жалпы білім беру бағдарламаларын іске асыратын жалпы білім беретін мектептерді қоспағанда) жалпы білім беру бағдарламаларын, сондай-ақ балаларға арналған қосымша білім беру бағдарламаларын (спорт бойынша балалар мен жасөспірімдерге арналған қосымша білім беру бағдарламаларын қоспағанда) іске асыратын заңды тұлғаларды мемлекеттік аттестаттаудан өткізеді; 6-2) білім беру қызметін (лицензиялауды талап етпейтін білім беру қызметінің кіші түрлері үшін) жүзеге асыратын заңды тұлғалардың есебін жүргізеді;»;
4) 35-баптың 2-тармағының үшінші бөлігі алып тасталсын;
5) 40-баптың 2-тармағы мынадай редакцияда жазылсын: «2. Білім беру ұйымдарында білім беру қызметін жүргізу құқығы: 1) лицензиялауды талап ететін білім беру қызметінің кіші түрлері үшін – егер Қазақстан Республикасының заңдарында өзгеше көзделмесе, лицензия алған сәттен бастап және Қазақстан Республикасының заңдарында белгіленген тәртіппен лицензиядан айыру немесе оны жарамсыз деп тану туралы соттың шешімі заңды күшіне енген сәттен бастап; 2) лицензиялауды талап етпейтін білім беру қызметінің кіші түрлері үшін – заңды тұлғаларды мемлекеттік тіркеген сәттен бастап туындайды.»;
6) 57-бап мынадай мазмұндағы 6-тармақпен толықтырылсын: «6. Білім беру ұйымдарының филиалдары лицензиялауға жататын білім беру қызметінің кіші түрлерін қоспағанда, білім беру қызметін жүзеге асыруға құқылы.»;
7) 59-баптың 1-тармағындағы, 3-тармағының 3) тармақшасындағы, 8-тармағындағы «білім беру саласындағы заңнамасының талаптарына және білім беру қызметін лицензиялау ережелеріне», «білім туралы заңнамасын және білім беру қызметін лицензиялау ережелерінің» деген сөздер тиісінше «білім беру саласындағы және лицензиялау туралы заңнамасының талаптарына», «білім туралы және лицензиялау туралы заңнамасының» деген сөздермен ауыстырылсын;
8) 65-баптың 2-тармағының бірінші бөлігіндегі «білім беру саласындағы уәкілетті органмен келісім бойынша» деген сөздер алып тасталсын.

Тармақ 53. «Бәсекелестік туралы» 2008 жылғы 25 желтоқсандағы Қазақстан Республикасының Заңына (Қазақстан Республикасы Парламентiнiң Жаршысы, 2008 ж., № 24, 125-құжат; 2009 ж., № 15-16, 74-құжат; 2010 ж., № 5, 23-құжат; 2011 ж., № 6, 50-құжат): 32-баптың 3-тармағы мынадай мазмұндағы екінші бөлікпен толықтырылсын: «Дүлей зілзала, эпидемия, эпизоотия кезінде, сондай-ақ негізгі қызметін одан әрі жалғастыруға кедергі келтіретін шектеулер болған кезде мемлекеттік монополия субъектісіне Қазақстан Республикасы Үкіметінің шешімі бойынша негізгі қызметін қайтадан жүргізгенге дейін технологиялық тұрғыдан негізгі қызметіне жақын өзге де қызмет түрлерін жүзеге асыруға құқық беріледі.».

Тармақ 54. «Арнаулы әлеуметтік қызметтер туралы» 2008 жылғы 29 желтоқсандағы Қазақстан Республикасының Заңына (Қазақстан Республикасы Парламентінің Жаршысы, 2008 ж., № 24, 127-құжат; 2009 ж., № 18, 84-құжат; 2010 ж., № 5, 23-құжат; 2011 ж., № 1, 2-құжат): 7-баптың 3) тармақшасы, 11-баптың 1-тармағы 2) тармақшасының екінші абзацы және 18-бап алып тасталсын.

Тармақ 55. «Тауар биржалары туралы» 2009 жылғы 4 мамырдағы Қазақстан Республикасының Заңына (Қазақстан Республикасы Парламентінің Жаршысы, 2009 ж., № 9-10, 46-құжат; № 18, 84-құжат; № 19, 88-құжат; 2010 ж., № 5, 23-құжат; 2011 ж., № 1, 2-құжат): 3-баптың 4) тармақшасы мынадай редакцияда жазылсын: «4) сауда биржаларының, брокерлер мен дилерлердің қызметіне қойылатын біліктілік талаптарын бекітеді;».

Тармақ 56. «Жаңартылатын энергия көздерiн пайдалануды қолдау туралы» 2009 жылғы 4 шілдедегі Қазақстан Республикасының Заңына (Қазақстан Республикасы Парламентiнiң Жаршысы, 2009 ж., № 13-14, 61-құжат): 3-баптың 2-тармағының 2) тармақшасы алып тасталсын.

Тармақ 57. «Жер қойнауы және жер қойнауын пайдалану туралы» 2010 жылғы 24 маусымдағы Қазақстан Республикасының Заңына (Қазақстан Республикасы Парламентінің Жаршысы, 2010 ж., № 12, 60-құжат; 2011 ж., № 1, 2-құжат):

1) 62-бапта : 3-тармақта: төртінші бөлік мынадай редакцияда жазылсын: «Сараптамалық қорытындыларды тиiстi мемлекеттiк органдар Қазақстан Республикасының заңнамасына сәйкес өз құзыретi шегiнде мемлекеттiк сараптаманы жүзеге асыратын мемлекеттiк орган тиiстi сараптаманы жүргiзуге қажеттi құжаттардың толық пакетiн берген кезден бастап күнтiзбелiк отыз күн iшiнде бередi.»; мынадай мазмұндағы бесінші бөлікпен толықтырылсын: «Экологиялық сараптама Қазақстан Республикасының экологиялық заңнамасына сәйкес жүзеге асырылады.»; 4-тармақтың екінші бөлігі мынадай редакцияда жазылсын: «Келiсiмшарт жобасын жұмыс бағдарламасымен сәйкестендіруді олар келiп түскен күннен бастап құзыреттi орган - бiр ай iшiнде, облыстың, республикалық маңызы бар қаланың, астананың жергiлiктi атқарушы органдары он жұмыс күні ішінде жүргiзедi.»; 5-тармақтың екінші бөлігі мынадай редакцияда жазылсын: «Келісімшарт жасасуға үміткер тұлға құжаттарды ұсынған күннен бастап келiсiмшарттың түпкілікті мәтіні мен жұмыс бағдарламасын сәйкестендіруді құзыреттi орган - екі айдан кешіктірмейтін мерзімде, облыстың, республикалық маңызы бар қаланың, астананың жергiлiктi атқарушы органдары он бес жұмыс күнінен кешіктірмейтін мерзімде жүргiзедi.»;
2) 64-баптың 4-тармағының екінші бөлігіндегі «бір ай» деген сөздер «он бес жұмыс күні» деген сөздермен ауыстырылсын;
3) 65-бапта : 1-тармақтың екінші бөлігі мынадай редакцияда жазылсын: «Бағалау жұмыстары сатысына көшуге рұқсатты құзыреттi орган - бiр ай iшiнде, облыстың, республикалық маңызы бар қаланың, астананың жергiлiктi атқарушы органдары он бес жұмыс күні ішінде береді.»; 5-тармақтың үшінші бөлігіндегі «бір ай» деген сөздер «он бес жұмыс күні» деген сөздермен ауыстырылсын; 7-тармақтың үшінші бөлігі мынадай редакцияда жазылсын: «Жобаларға өзгерiстердi және (немесе) толықтыруларды қарау және бекiту мерзiмi тиiстi өзгерiстердiң және (немесе) толықтырулардың жобасы орталық комиссияға келiп түскен күннен бастап - бiр айдан, өңiраралық комиссияға келіп түскен күннен бастап он бес жұмыс күнінен аспауға тиiс.»;
4) 66-бапта : 7-тармақтың үшінші бөлігіндегі «он бес» деген сөздер «бес» деген сөзбен ауыстырылсын; 8-тармақтың үшінші бөлігі мынадай редакцияда жазылсын: «Жобаларға өзгерiстердi және (немесе) толықтыруларды қарау және бекiту мерзiмi тиiстi өзгерiстердің және (немесе) толықтырулардың жобасы орталық комиссияға келiп түскен күннен бастап - бiр айдан, өңiраралық комиссияға келіп түскен күннен бастап он жұмыс күнінен аспауға тиiс.». N 546-IV № 564-IV

Бап 43 О внесении изменений и дополнений в некоторые законодательные акты РК по вопросам совершенствования разрешительной системы