Жұмыс берушінің шетелдік жұмыс күшін жергілікті атқарушы органның рұқсатынсыз тартуы немесе жұмысқа орналасуға рұқсаты жоқ шетелдіктер мен азаматтығы жоқ адамдардың еңбегін пайдалануы, - жеке тұлғаларға – отыз, лауазымды адамдарға – елу, дара кәсiпкерлерге, шағын немесе орта кәсiпкерлiк субъектiлерi немесе коммерциялық емес ұйымдар болып табылатын заңды тұлғаларға – екі жүз, iрi кәсiпкерлiк субъектiлерi болып табылатын заңды тұлғаларға бір мың айлық есептік көрсеткіш мөлшерінде айыппұл салуға әкеп соғады. 2. Жұмыс берушінің шетелдік қызметкерді жергілікті атқарушы органның шетелдік жұмыс күшін тартуға арналған рұқсатында көрсетілген лауазымға (кәсіпке немесе мамандыққа) сәйкес келмейтін лауазымға (кәсіпке немесе мамандыққа) тартуы, - лауазымды адамдарға – елу, дара кәсіпкерлерге, шағын немесе орта кәсiпкерлiк субъектiлерi немесе коммерциялық емес ұйымдар болып табылатын заңды тұлғаларға – екі жүз, iрi кәсiпкерлiк субъектiлерi болып табылатын заңды тұлғаларға бір мың айлық есептiк көрсеткiш мөлшерiнде айыппұл салуға әкеп соғады. 3. Осы баптың бірінші және екінші бөлiктерiнде көзделген, әкiмшiлiк жаза қолданылғаннан кейiн бiр жыл iшiнде қайталап жасалған іс-әрекеттер, - жеке тұлғаларға – елу, лауазымды адамдарға – бір жүз, дара кәсiпкерлерге, шағын немесе орта кәсiпкерлiк субъектiлерi немесе коммерциялық емес ұйымдар болып табылатын заңды тұлғаларға – үш жүз, iрi кәсiпкерлiк субъектiлерi болып табылатын заңды тұлғаларға бір мың бес жүз айлық есептiк көрсеткiш мөлшерiнде айыппұл салуға әкеп соғады. 4. Мұндай рұқсатты алу еңбек қызметін жүзеге асырудың қажетті шарты болып табылатын жағдайда, Қазақстан Республикасының аумағына заңсыз келген шетелдiктiң немесе азаматтығы жоқ адамның жұмысқа орналасуға арналған рұқсатты алмай Қазақстан Республикасында еңбек қызметін жүзеге асыруы, - жиырма бес айлық есептiк көрсеткiш мөлшерiнде айыппұл салынып, Қазақстан Республикасының шегінен әкiмшiлiк жолмен шығарып жіберілуіне әкеп соғады.»;
- 6) 541-баптың бірінші бөлігінде: «372-376,» деген цифрлардан кейін «380 (екінші бөлігінде), 380-2,» деген сөздермен толықтырылсын; «394 (екiншi бөлiгiнде)» деген сөздер «394 (екiншi, үшінші және төртінші бөлiктерінде)» деген сөздермен ауыстырылсын; «396 (екiншi бөлiгiнде)» деген сөздер «396 (төртінші бөлiгінде)» деген сөздермен ауыстырылсын;
- 7) 543-бапта : бірінші бөлікте: «379,» деген цифрлардан кейін «380 (бірінші бөлігінде),» деген сөздермен толықтырылсын; «396 (бірiншi бөлiгiнде)» деген сөздер «396 (бірінші және үшінші бөлiктерінде)» деген сөздермен ауыстырылсын; екінші бөлікте: 2) тармақшада: «377,» деген цифрлардан кейін «380 (бірінші бөлігінде),» деген сөздермен толықтырылсын; «396 (бірiншi бөлiгiнде)» деген сөздер «396 (бірінші және үшінші бөлiктерінде)» деген сөздермен ауыстырылсын; 3) тармақшада «396 (бірiншi бөлiгiнде)» деген сөздер «396 (бірінші және үшінші бөлiктерінде)» деген сөздермен ауыстырылсын; 12) тармақшада: «осы Кодекстің» деген сөздерден кейін «377, 380 (бірінші бөлігінде),» деген сөздермен толықтырылсын; «396 (бірiншi бөлiгiнде)» деген сөздер «396 (бірінші және үшінші бөлiктерінде)» деген сөздермен ауыстырылсын;
- 8) 550-баптың бірінші бөлігіндегі «396 (бiрiншi бөлiгiнде)» деген сөздер «396 (бiрiншi, екінші және үшінші бөлiктерiнде)» деген сөздермен ауыстырылсын;
- 9) 551-1-бапта : баптың тақырыбындағы және мәтіні бойынша «, Қазақстан Республикасының азаматтарын тiркеу мен құжаттандыру» деген сөздер алып тасталсын; бірінші бөліктегі «380, 357-2 (бірінші бөлігінде)» деген сөздер «357-2 (бірінші бөлігінде)-бабында» деген сөздермен ауыстырылсын; екінші бөліктің 2) тармақшасы алып тасталсын;
- 10) 636-баптың бірінші бөлігінің 1) тармақшасында: екінші абзацта: «374-1,» деген цифрлардан кейін «380 (екінші бөлігі), 380-2,» деген сөздермен толықтырылсын; «394 (екінші бөлігі)» деген сөздер «394 (екінші, үшінші және төртінші бөліктері)» деген сөздермен ауыстырылсын; «396 (екінші бөлігі)» деген сөздер «396 (төртінші бөлігі)» деген сөздермен ауыстырылсын; елу үшінші абзацтағы «356, 396 (екінші бөлігі) баптар» деген сөздер «356-баптар)» деген сөздермен ауыстырылсын;
- 11) 730-баптың 2) тармақшасындағы «394 (екінші бөлігі), 396 (екінші бөлігі) баптарында» деген сөздер «380 (екінші бөлігі), 380-2 (екінші бөлігі), 394 (төртінші бөлігі), 396 (төртінші бөлігі)-баптарында» деген сөздермен ауыстырылсын.