Тауарлардың шағын (кедендік құны 5000 АҚШ долларына балама сомадан аспайтын) лектерінің шыққан жерін куәландыру үшін сертификат ұсыну талап етілмейді. Бұл жағдайда экспорттаушы осы Хаттамаға 3-қосымшаға сәйкес шот-фактурада (инвойста), басқа да коммерциялық немесе тауарға ілеспе құжаттарда ресімделген тауарды шығарған ел туралы декларацияны ұсына алады. 2. Тауардың шыққан жері туралы декларацияны ұсынған экспорттаушы әкететін елдің құзыретті органының талабы бойынша осы Хаттамаға сәйкес шығарылуын растайтын барлық қажетті құжаттар мен мәліметтерді ұсынуға міндетті. 3. Тауардың шыққан жері туралы декларация басылған түрінде, тауарды жөнелтушінің (экспорттаушының), сатушының, өндірушінің немесе бұл тауарларға қатысы бар құзыретті тұлғаның тегі мен аты-жөнін көрсетумен, жеке қол қоюы арқылы ресімделуі тиіс.