Уағдаласушы тараптар жүйелі негізде өз мемлекеттерінің экономикалық қызметті, оның ішінде, сауда, инвестиция, салық салу мәселелерін, банк және сақтандыру қызметін және басқа да қаржылық қызметтерді, көлік және кеден мәселелерін реттейтін ұлттық заңнамасы туралы ақпарат алмасып тұрады. Уағдаласушы тараптар өз мемлекеттерінің ұлттық заңнамасындағы осы Келісімді орындауға әсерін тигізуі мүмкін өзгерістер туралы бір-біріне дереу хабарлап тұрады. Уағдаласушы тараптар мемлекеттерінің құзыретті органдары осындай ақпарат алмасу тәртібін келіседі. Осы баптың ережелері кез келген Уағдаласушы тарап мемлекетінің құзыретті органдарын: ұлттық заңнама бойынша немесе Уағдаласушы тараптардың бірінің әдеттегі әкімшілік практикасы барысында алуға болмайтын; қандай да бір сауда, кәсіпкерлік, өнеркәсіптік, коммерциялық немесе берілуі Уағдаласушы тараптың мемлекеттік мүддесіне қайшы келетін өзге ақпаратты беруге міндеттейді деп түсіндірілмейді.