Осы Келісімнің орындалуын бақылау Комиссияға жүктеледі. Комиссия Уағдаласушы тараптар мемлекеттерінің уәкілетті органдарынан құралады. Комиссияның отырыстары Қазақстан Республикасында және Сербия Республикасында кезек-кезек жылына бір рет өткізіледі. Комиссия Келісім шеңберіндегі ынтымақтастық нәтижелерін қарайды және Келісімнің мақсаттарын орындау үшін ұсыныстар береді. Комиссия осы Келісімге түзетулер мен өзгерістер бойынша ұсыныстар береді. Егер қажет болса, Комиссия осы Келісімнің мақсаттарын орындауды жеңілдету үшін кіші комиссиялар мен жұмыс топтарын құрады. Комиссияның жұмыс тәртібі Комиссия бекітетін Регламентпен айқындалады. Егер әрбір нақты жағдайда өзгеше тәртіп келісілмеген болса, Уағдаласушы тараптар өз мемлекеттерінің ұлттық заңнамаларына сәйкес Комиссияның қызметіне байланысты шығыстарды өздері көтереді.