Мыналар жеткілікті дәрежеде өңдеу (қайта өңдеу) өлшемдеріне жауап бермейді: 1.1. Тауарды сақтау немесе тасымалдау кезінде оның сақталуын қамтамасыз ету жөніндегі операциялар. 1.2. Тауарды сатуға және тасымалдауға дайындау (лекті бөлу, жөнелтімдерді қалыптастыру, сұрыптау, қайта буып-түю), ораманы бөлшектеу және жинау жөніндегі операциялар. 1.3. Жуу, тазарту, шаңды сүрту, тотық, май немесе басқа да заттарды жағу. 1.4. Тоқыманы (талшықтар мен иірілген жіптің кез келген түрі, талшықтар мен иірілген жіптің кез келген түрінен алынған мата материалдары және олардан жасалған бұйымдар) үтіктеу немесе тығыздау. 1.5. Сырлау немесе жылтырату жөніндегі операциялар. 1.6. Дәндер мен күріштің қабығын аршу, ішінара немесе толық ағарту, тегістеу және жылтырату. 1.7. Қантты бояу және кесек қант жасау жөніндегі операциялар. 1.8. Жемістердің, көкөністердің және жаңғақтардың қабығын аршу, тұқымын алу және бөлу. 1.9. Алынған құрамдауыштардың бастапқы тауардан айтарлықтай ерекшеленуіне әкеп соқпайтын қайрау, тарту немесе кесу. 1.10. Елеуіш немесе елек арқылы өткізу, сұрыптау, жіктеу, іріктеу, таңдау (оның ішінде бұйымдар жиынтықтарын жасау). 1.11. Банкілерге, сауыттарға, қапшықтарға, жәшіктерге, қораптарға құю, салу және буып-түю жөніндегі басқа да қарапайым операциялар. 1.12. Қарапайым құрастыру операциялары және тауарды бөлшектеу жөніндегі операциялар. 1.13. Алынған құрамдауыштардың бастапқы тауардан айтарлықтай ерекшеленуіне әкеп соқпайтын тауарларды құрамдауыштарға бөлу. 1.14. Алынған өнімнің бастапқы құрамдастардан айтарлықтай ерекшеленуіне әкеп соқпайтын тауарларды (құрамдауыштарды) араластыру. 1.15. Мал сою, етті бөлшектеу (сұрыптау). 1.16. Көрсетілген операциялардың екеуінің немесе одан да көбінің комбинациясы. Егер тауарға қатысты осы баптың 1-тармағында аталған операцияларды жүргізу есебінен ғана жеткілікті өңдеу (қайта) өңдеу өлшемін орындауға қол жеткізілсе, бұл тауар осы операциялар орын алған сол Уағдаласушы тарапта шығарылған деп саналмайды.