Тармақ 1. Егер мұндай құрылғылар, керек-жарақтар, қосалқы бөлшектер мен құралдар техникалық құжаттарға сәйкес әдетте, осындай құрылғылармен бірге жеткізілетін, жиынтықта және мөлшерде көрсетілген машиналармен, жабдықтармен, аппараттармен немесе көлік құралдарымен бірге әкелінсе және пайдаланылса, машиналармен, жабдықтармен, аппараттармен немесе көлік құралдарымен бірге пайдалануға арналған құрылғылар, керек-жарақтар, қосалқы бөлшектер мен құралдар, машиналар, жабдықтар, аппараттар немесе көлік құралдары сияқты Уағдаласушы тараптар мемлекетінде шығарылған болып саналады. 2. Тауарларды сипаттау мен код берудің үйлестірілген жүйесін ескере отырып, орама тауардан бөлек декларациялауға жататын жағдайларды қоспағанда, тауар әкелінетін орама тауардың өзі шығарылған, Уағдаласушы тарап мемлекетінде шығарылған болып саналады. Мұндай жағдайда ораманың шығарылған елі тауардың шығарылған елінен бөлек айқындалады. 3. Егер тауар әкелінетін орама, тауардың өзі шығарылған, Уағдаласушы тарап мемлекетінде шығарылған болып саналса, онда тауардың шығарылған елін айқындау үшін бөлшек саудада сатылатын тауар орамасы ғана ескеріледі. 4. Шығарылған елін айқындау кезінде өндірістік немесе көліктік жағдайларына орай оларды бір лек етіп тиеу мүмкіндігінің болмауы салдарынан бірнеше лекпен жеткізілетін, бөлшектелген немесе құрастырылмаған түрдегі тауарлар, сондай-ақ лек қателік салдарынан бірнеше лекке бөлінген тауарлар декларанттың қалауы бойынша біртұтас тауар ретінде қаралады. Мұндай қағида мына шарттар бір уақытта орындалған кезде қолданылады: әкелуші елдің кеден органына Уағдаласушы тарап мемлекеттерінің тауар номенклатурасына сәйкес тауарлар кодын, әр лекке енген тауарлар құнын және шығарылған елін көрсете отырып, әр лектің ерекшелігімен қоса, бірнеше лекпен жеткізілетін бөлшектелген немесе құрастырылмаған түрдегі тауарлар немесе мұндай бөлу себептерін көрсете отырып, тауарларды бірнеше лекке бөлу туралы алдын ала хабарлау не тауарларды бірнеше лекке бөлудің қате екенін құжаттамалық растау; тауарлардың барлық легін Уағдаласушы тараптар мемлекеттерінің бірінен бір жеткізушінің жеткізуі; тауарлардың барлық легін бір кеден органында декларациялау; тауарлардың барлық легін бір келісімшарт шеңберінде жеткізу; тауарлардың барлық легін кедендік декларация қабылданған күннен бастап бір жылдан аспайтын мерзімде не оны тауарлардың бірінші легіне қатысты беру мерзімдері өткенге дейін жеткізу. Тауар алушыға байланысты емес себептер бойынша тауарлардың барлық легін жеткізу мүмкін болмаған жағдайда, әкелетін елдің кеден органы бұл мерзімді өтініш берушінің дәлелді өтініші бойынша тауарлардың барлық легін жеткізу үшін қажетті, бірақ бір жылдан аспайтын уақытқа ұзартуы мүмкін. 5. Тауарлардың шығарылған елін айқындау кезінде оларды өндіру немесе қайта өңдеу үшін пайдаланылатын жылу және электр энергиясының, машиналардың, жабдықтар мен құралдардың шығарылған жері ескерілмейді.